क्यानडाको भ्यानकुभरस्थित बीसी प्लेस स्टेडियममा जारी खेलको पहिलो हाफमा क्यानडाले ३–० को अग्रता बनाएको छ। फिफा विश्वकप–२०२६ अन्तर्गतको खेलमा घरेलु टोली क्यानडाले कतारविरुद्ध पहिलो हाफमा यो महत्वपूर्ण अग्रता हासिल गरेको छ। क्यानडाका लागि जोनाथन डेभिडले दुई गोल र साइले लारिनले एक गोल गरे।
खेलको १६औं मिनेटमा साइले लारिनले गोल गर्दै क्यानडालाई पहिलो अग्रता दिलाए। त्यसपछि जोनाथन डेभिडले २९औं मिनेटमा गोल गर्दै टोलीको अग्रतालाई दोब्बर बनाए। ३३औं मिनेटमा, हमाम अहमदले रातो कार्ड पाएपछि कतार १० खेलाडीमा सीमित भएको छ। पहिलो हाफको इन्जुरी समयमा जोनाथनले व्यक्तिगत दोस्रो गोल गर्दै टोलीको अग्रतालाई तेब्बर बनाए। क्यानडाले पहिलो हाफमा कतारलाई दबाबमा राख्न सफल भएको छ।
