मेक्सिकोको ग्वाडालजारा स्टेडियममा शुक्रबार बिहान सम्पन्न भएको खेलमा दक्षिण कोरियालाई १–० ले हराउँदै मेक्सिको एक खेल अगावै नकआउट चरणमा प्रवेश गरेको छ। सहआयोजक मेक्सिकोले दक्षिण कोरियालाई १–० ले पराजित गर्दै फिफा विश्वकप २०२६ को नकआउट चरणमा प्रवेश गरेको हो। ५ असार, काठमाडौं।
लुइस रोमोको निर्णायक गोलमार्फत दक्षिण कोरियालाई १-० ले पराजित गर्दै मेक्सिको राउण्ड अफ ३२ मा पुग्ने पहिलो टोली बनेको छ। घरेलु मैदान ग्वाडालजारा स्टेडियममा शुक्रबार बिहान भएको कडा संघर्षपूर्ण जितपछि मेक्सिको समूह ‘ए’ को विजेताका रूपमा नकआउट चरणमा प्रवेश गरेको हो। रोमोले खेलको ५०औं मिनेटमा गरेको गोल नै मेक्सिकोको जितका लागि निर्णायक रह्यो।
खेलको ५०औं मिनेटमा दक्षिण कोरियाका गोलकिपर किम सेउङ–ग्यु आफ्नै टोलीका खेलाडी ली गी–ह्युकसँग ठोक्किएर बल हातबाट छुटेपछि मेक्सिकोले चौथो लाभ उठायो। मिडफिल्डर रोमोले सोही क्षण सही समयमा बललाई खाली पोस्टको दिशा तर्फ पठाए। दक्षिण कोरियालाई खेलको ८७औं मिनेटमा बराबरी गर्ने राम्रो अवसर प्राप्त भयो। तर, चो ग्यु–सुङको नजिकको हेडरलाई मेक्सिकोकै गोलकिपर राउल रंगेलले बचाए।
खेलभर बल कब्जामा दक्षिण कोरियाले मेक्सिकोभन्दा बढी समय राख्दा पनि गोल गर्न सकेन। दुवै टोलीले ८ सर्ट प्रहार गर्दा सर्ट अन टार्गेट मेक्सिकोका ४ र दक्षिण कोरियाका २ थिए। पास एक्युरेसीमा पनि दक्षिण कोरिया अगाडि थियो। समूह ‘ए’ बाट ६ अंक जोड्दै मेक्सिको नकआउट चरणमा पुग्न सफल भएको छ भने ३ अंक जोडेको दक्षिण कोरियाको पनि सम्भावना कायम छ।
पहिलो खेलमा मेक्सिकोले दक्षिण अफ्रिकालाई पराजित गरेको थियो। चेक रिपब्लिक दक्षिण कोरियासँग पराजित भएको थियो। २ खेलबाट समान एक-एक अंक जोड्न सफल भएका चेक रिपब्लिक र दक्षिण अफ्रिकाको पनि नकआउट चरणमा पुग्ने सम्भावना निरन्तर छ। मेक्सिको नकआउट चरणमा प्रवेश गर्ने पहिलो टोली बनेको छ। सन् २०१८ को विश्वकपमा अन्तिम १६ सम्म पुगेको मेक्सिको सन् २०२२ मा समूह चरणबाटै बाहिरिएको थियो। नकआउट चरणमा कुल ३२ टोली प्रवेश गर्नेछन्। प्रत्येक समूहबाट शीर्ष दुई टोली र तेस्रो स्थानमा रहेकापयन माध्यमबाट ८ टोली राउन्ड अफ ३२ मा प्रवेश गर्नेछन्।
