एटलान्टा स्टेडियममा सम्पन्न भएको खेलमा स्पेनले साउदी अरेबियामाथि ४–० को कब्जा जमाउँदै ठूलो जीत निकालेको छ। ७ असारमा भएको फिफा विश्वकप २०२६ अन्तर्गतको यो खेलमा स्पेनका मिकेल ओयार्जाबलले दुई गोल गरे भने लामिन यमालले एक गोल थपे। साउदीका हसन अल्ताम्बक्तिले आत्मघाती गोल गरेपछि स्पेनको अग्रता अझै बलियो बन्यो। यस जीतसँगै स्पेनले दुई खेलबाट ४ अंक जोड्दै समूह ‘एच’ को शीर्ष स्थानमा उक्लिएको छ।
स्पेनको जितमा मिकेल ओयार्जाबलले खेलको १०औं मिनेटमा लामिन यामाललाई पास दिएर पहिलो गोल गराए। त्यसपछि उनले २१औं र २४औं मिनेटमा लगातार गोल गर्दै स्पेनको अगुवाइलाई थप मजबुत बनाइदिए। पहिलो हाफको समाप्ति पछि स्पेनले दुवै गोलकर्ता खेलाडीलाई विश्राम दिएको थियो।
खेलको ४९औं मिनेटमा साउदीका हसन अल्ताम्बक्तिले आत्मघाती गोल गर्दा स्पेनको अग्रता ४–० मा पुग्यो। त्यसपछि दुवै टोलीले केही अवसरहरु पाए पनि थप गोल गर्न सकेनन्। यस जितले स्पेनलाई नकआउट चरणमा पुग्ने आशालाई निकै मजबुत बनाएको छ। समूहमा उरुग्वे, साउदी अरेबिया र केप भर्डेको समान एक-एक अंक रहेको छ।
