सेनेगललाई पराजित गरी नकआउट चरण प्रवेश गरेकोमा एर्लिङ हाल्यान्डले त्यो रात अत्यन्तै अद्भुत भएको र आफूलाई निकै गर्व लागेको बताएका छन्। ९ असार, काठमाडौं। नर्वेका फर्वार्ड एर्लिङ हाल्यान्डले आफ्नो देशका लागि गोल गर्न पाउँदा ठूलो गर्व महसुस गरेको बताए। सेनेगललाई हराएर नकआउट चरणमा प्रवेश गरेपछि उनले त्यो रातलाई विशेष समय मान्दै आफूले अत्यन्त गर्व महसुस गरेको बताएका छन्।
‘यो साँच्चिकै विशेष रात थियो। फेरि अर्को अद्भुत रात पनि आयो र म यसमा निकै गर्व गर्दै छु। म यस महसुसलाई अत्यन्त मन पराइरहेको छु,’ उनले भने। विश्वकप डेब्यु खेलमै दुई गोल गरेपछि उनले दोस्रो खेलमा पनि दुई गोल गर्न सफल भएका छन्। दुबै खेलमा जम्मा चार गोल गरेपछि उनले विश्वकप साँच्चिकै अविस्मरणीय भएको जनाए।
‘मैले नर्वेको लागि डेब्यु खेलदेखिनै खेल्दा सधैं रमाइलो महसुस गरेको छु जुन तपाईंहरूले मैदानमा पनि देख्न सक्नुहुन्छ। अब मलाई विश्वकप साँच्चिकै रोमाञ्चकारी हुने कुरा थाहा भयो,’ उनले थपे।
