बराबरीपछि इंग्ल्यान्ड र घानाले दुवैले ४-४ अंक प्राप्त गरेका छन्। गोलअन्तरको आधारमा इंग्ल्यान्ड अगाडि रहेको छ। १० असार, काठमाडौं। फिफा विश्वकप २०२६ अन्तर्गत समूह एलको खेलमा इंग्ल्यान्ड र घानाबीच गोलरहित बराबरी भयो। अमेरिकाको बोस्टन स्टेडियममा बुधबार बिहान छिटो सम्पन्न खेलमा इंग्ल्यान्डले गोल गर्ने अवसरहरू सदुपयोग गर्न असफल भएर घानासँग बराबरीमा सन्तुष्ट हुन बाध्य भयो।
पछिल्ला पाँच विश्वकपमध्ये इंग्ल्यान्डले आफ्नो दोस्रो खेलमा बराबरी खेलेको यो तेस्रो पटक हो। यस विश्वकपमा गोलरहित बराबरीमा समाप्त भएको यो तेस्रो खेल हो। यसअघि स्पेन र केप भर्डे लगायत बेल्जियम र इरानबीचको खेल पनि गोलरहित बराबरीमा समाप्त भएका थिए।
कप्तान ह्यारी केनसहित बुकायो साका, एबेरेची एज, मार्कस राशफोर्ड जस्ता फरवार्डहरूको टोली इंग्ल्यान्डको फिनिसिङ भने चुस्त हुन सकेन। केनले पहिलो खेलमा क्रोएसियाविरुद्ध दुई गोल गरे तापनि आज गोल गर्न सकेनन्। ७९ प्रतिशत बल नियन्त्रण गरेको इंग्ल्यान्डले विपक्षी टोलीलाई पूर्ण नियन्त्रणमा राख्यो र कुल १९ प्रहार गर्यो। बराबरीपछि इंग्ल्यान्ड र घानाले दुवैले ४-४ अंक हासिल गरेका छन्। गोलअन्तरको आधारमा इंग्ल्यान्ड अघि छ। दुवै टिमसँग नकआउट चरणमा पुग्ने सम्भावना बलियो छ।
यस बराबरीले पहिलो खेलमा पराजित क्रोएसिया र प्यानामालाई पनि केही अवसर दिएको छ। क्रोएसिया र प्यानामा बुधबार बिहान पौने ४ बजे प्रतिस्पर्धा गर्नेछन्। इंग्ल्यान्डले समूहको अन्तिम खेलमा प्यानामासँग प्रतिस्पर्धा गर्नेछ भने घानाले क्रोएसियाको सामना गर्नेछ।
सम्बन्धित खबर
