१० असार, काठमाडौं । फिफा विश्वकप २०२६ अन्तर्गत पानामासँग भइरहेको खेलमा क्रोएसियाले पहिलो पटक अग्रता लिएको छ । क्यानडाको टोरन्टो स्टेडियममा जारी खेलमा क्रोएसियाका एन्टे बुडिमिरले दोस्रो हाफमा गोल गर्दै टोलीलाई अग्रता दिलाएका छन् । उनले ५३औं मिनेटमा जोसिफ स्टानिसिकको पासमा गोल गरेका थिए । पहिलो खेलमा इंग्ल्यान्डसँग ४-२ ले पराजित भएको क्रोएसियाले यस खेलमा पहिलो जितको आकांक्षा राखेको छ । त्यस्तै, पानामाले आफ्नो पहिलो खेलमा घानासँग १-० ले पराजित भएको थियो ।
