आईएईएको महानिर्देशक चाँडै इरानको परमाणु कार्यक्रम निरीक्षण गर्न जान तैयार

१० असार, काठमाडौं। अन्तर्राष्ट्रिय परमाणु ऊर्जा एजेन्सी (आईएईए) छिट्टै इरानको परमाणु कार्यक्रम निरीक्षण भ्रमणमा जान तयार हुँदैछ। आईएईएको महानिर्देशक राफेल ग्रोसीले अमेरिका र इरानबीच भएको प्रारम्भिक शान्ति सम्झौताअनुसार निरीक्षणका लागि जान लागिएको बताएका छन्। जापान भ्रमणका क्रममा पत्रकारहरूसँग कुराकानी गर्दै ग्रोसीले भने, ‘इरानमा निरीक्षण अवश्य हुनेछ। हामी सकेसम्म छिटो मिति, प्रक्रिया र स्थान निर्धारण गर्नेछौं।’

उनले थपे कि पछिल्लो साता सम्पन्न सम्झौतामा स्पष्ट उल्लेख गरिएको छ कि इरानले उच्च स्तरको समृद्ध युरेनियमको मात्रामा कमी गर्ने प्रक्रिया आईएईएको निगरानीतलमा हुनेछ। साथै, इरानी अधिकारीहरूले अमेरिकी हमलाबाट क्षतिग्रस्त परमाणु केन्द्र र परमाणु प्रविधिको विषयमा भने अमेरिकासँग अन्तिम सम्झौताकै बेला मात्र स्पष्ट कुराकानी हुने जनाएका छन्। स्विट्जरल्यान्डमा भएको वार्तापछि अमेरिकी उपराष्ट्रपति जेडी भान्सले भनेका थिए कि इरानले आईएईएका निरीक्षणकर्तालाई आफ्नो देशमा आउन अनुमति दिने सहमति जनाएको थियो। तर, इरानी विदेश मन्त्रालयका प्रवक्ताले भान्सको उक्त दावीलाई अस्वीकार गर्दै यस विषयमा कुनै विस्तृत चर्चा नभएको बताएका छन्।