१२ असार, काठमाडौं । तेस्रो संस्करणको राष्ट्रिय ई–स्पोर्ट्स प्रतियोगितामा फ्रि–फायरतर्फ त्रिनेत्र र पब्जी मोबाइलतर्फ द फोर एलिमेन्ट्सले उपाधि जितेका छन् । ई–स्पोर्ट्स संघ नेपाल (ईशान) को आयोजनामा सम्पन्न प्रतियोगितामा उपाधिसहित दुवै टोलीले समान ८० हजार नगद पुरस्कार हासिल गरे।
प्रतियोगिताको ई–फुटबल विधामा रजत बुढाथोकी विजेता बने। फाइनलमा विकुल रानालाई पराजित गर्दै उनले उपाधि आफ्नो नाममा सुरक्षित पारे। विजेता खेलाडी र टोलीलाई राष्ट्रिय खेलकुद परिषद्का सदस्य–सचिव रामचरित्र मेहता, युवा तथा खेलकुद मन्त्रीका प्रमुख सल्लाहकार सिद्धि व्यञ्जनकार, ईशानका वरिष्ठ उपाध्यक्ष हिमविक्रम केसी र बोर्ड सदस्यहरू मौषमी लामा र सिजन भट्टराईले ट्रफी, मेडल र पुरस्कार प्रदान गरे।
प्रतियोगिताका संयोजक प्रकाश घर्तीका अनुसार प्रतियोगिता जेठ १८ गतेदेखि सुरु भई फाइनल चरणका खेलहरू असार ८ देखि ११ गतेसम्म सञ्चालन गरिएको थियो। प्रतियोगितालाई राष्ट्रिय खेलकुद परिषद्, प्रदेश खेलकुद विकास परिषद्, बागमती प्रदेश, एक्स्ट्रिम इनर्जी ड्रिङ्क्स लगायत विभिन्न संघ-संस्थाहरूले सहयोग गरेका थिए।
सम्बन्धित खबर
