दार्चुला, मुटुमा तिम्रै मायाको सम्झना बोकेर फर्कदै छु

धरान उपमहानगरपालिका प्रमुख मेयर हर्क साम्पाङले दार्चुला भ्रमणपछि आफ्नो फेसबुक पृष्ठमार्फत भावनात्मक सन्देश शेयर गर्नुभएको छ। पूर्वमा आलोचना र ट्रोल हुने गरेका साम्पाङको यसपालिको भावनात्मक अभिव्यक्तिमा सामाजिक सञ्जाल प्रयोगकर्ताबाट सकारात्मक प्रतिक्रियाहरु प्राप्त भएका छन्। साम्पाङले दार्चुलाको दुःखद अवस्था बारे सरकारलाई निरन्तर सम्झाइरहने प्रतिबद्धता व्यक्त गर्नुभएको छ।

फेसबुकमा हर्क साम्पाङको स्टाटसहरू निरन्तर आइरहन्छन्। यस्तो लाग्छ उनी स्टाटस लेख्नमा नै निपूर्ण छन्। प्रत्येक क्षणमा श्रृंखलाबद्ध स्टाटस देख्दा कुनै शंका नलाग्ने किसिमले उनका मनोभावहरु प्रकट हुन्छन्। यदि उनले स्टाटस लेख्न छोडे भने सोचना पर्छ, ‘आज उनको के भयो?’ भनी। उनका स्टाटसहरू उनका हृदयगतिका झलक जस्तै छन्। रोचक कुरा के भने, उनका स्टाटसमा धेरैजसो गाली र आलोचना हुन्छ, जसले मानिसहरूलाई दुई प्रकारमा बाँड्छ—कोही ताली बजाउने, त कोही गाली गर्ने।

तर पछिल्लो स्टाटस पहिलेको जस्तो छैन। रोकाटोक नगरी रुखो कुरा गर्ने साम्पाङको यो भिन्न स्टाटस कुनै कवि वा संवेदनशील हृदयले लेखिएका जस्तो छ। गहिरो पहाडको फेदमा उभिएर उनले लेखेका छन्, ‘दार्चुला… मुटुभरि तिम्रै माया र सम्झना बोकेर फर्कदैछु। यो जीवनमा फेरि हाम्रो भेट होला वा नहोला थाहा छैन, तर कोशिस अवश्य रहनेछ फेरि भेट्ने। म सरकारमा छैन तर सरकारलाई तिम्रो दुःखबारे सधैं सम्झाइरहनेछु। तिम्रो हाँसोमा म पनि हाँसेको हुनेछु, तिम्रो आँसुमा म पनि रुँनेछु। तिमी पनि मलाई नबिर्स है। म त सधैं भरि तिम्लाई सम्झिरहनेछु.’

उक्त स्टाटसमा कुनै खिल्ली गर्ने वा गाली गर्नेहरूको भीड छैन, बरु भावनात्मक प्रतिक्रियाहरु बढी छन्। त्यहाँ रिस नदेखिने, हासो वा दु:ख दिने रियाक्सनहरू होइन, प्रेम रियाक्सनहरूको प्रमुखता छ। उनले राखेको तस्बिर पनि प्रतीकात्मक छ, चट्टान पहाडतर्फ शीतल दृष्टि लगाएको। यो दार्चुलाले भोगिरहेको कठिनाइ देखाउँछ जस्तो छ।