२० असार, काठमाडौं । इरानको राजधानी तेहरानमा भारत सरकारको प्रतिनिधिमण्डलले इरानी सर्वोच्च नेता आयतुल्लाह अली खामेनीलाई श्रद्धाञ्जली अर्पण गरेको छ। भारत सरकारको आधिकारिक प्रतिनिधिमण्डलमा बिहारका राज्यपाल सैयद अता हसनैन र विदेश राज्यमन्त्री पबित्र मार्गेरिटा सहभागी छन्। बिहारका राज्यपालले सामाजिक संजालमा श्रद्धाञ्जली सभाको तस्विर पोस्ट गर्दै एक बयान जारी गरेका छन्। बयानमा उल्लेख छ, ‘विदेश राज्यमन्त्री पबित्र मार्गेरिटा सहित शुक्रबार तेहरानमा आयतुल्लाह सैयद अली खामेनीलाई अन्तिम संस्कार समारोहमा भारतको प्रतिनिधित्व गरियो र संघर्षमा ज्यान गुमाएकाहरूको परिवारप्रति गहिरो संवेदना व्यक्त गरियो।’ विदेश राज्यमन्त्री मार्गेरिटाले पनि सामाजिक संजालमा तस्वीर सेयर गरेका छन्। उनले भनेका छन्, ‘बिहारका राज्यपाल र मैले तेहरानमा इरानका पूर्व सर्वोच्च नेता आयतुल्लाह सैयद अली खामेनीको अन्तिम संस्कार कार्यक्रममा भारतको प्रतिनिधित्व गर्यौं। हामीले भारत सरकार र भारतीय जनताका तर्फबाट श्रद्धाञ्जली अर्पण गर्यौं।’ इरानमा अली खामेनीको अन्तिम संस्कार समारोह सुरु भइसकेको छ। अन्तिम संस्कार समारोहका लागि विदेशी पाहुनाहरू तेहरान पुगेका छन्।
