फिफा विश्वकप २०२६ को शनिबार विहान भएको खेलमा कठिन जित हासिल गरेपछि कप्तान मेसीले खेलमा तालमेलको अभाव रहेको बताएका छन्। २० असार, काठमाडौं। अर्जेन्टिनाका कप्तान लियोनल मेसीले केप भर्डेलाई प्रभावकारी दबाब दिन नसकेको बताएका छन्।
फिफा विश्वकप २०२६ को शनिबार विहान भएको खेलमा कठिन जित पाएपछि कप्तान मेसीले खेल तालमेलमा चुनौती आएको उल्लेख गरे। ‘मलाई लाग्छ हामीले उनीहरूलाई राम्रोसँग दबाबमा राख्न सक्दैनथ्यौं। कतिपय अवस्थामा हाम्रा खेलाडीहरूबीचको दूरी धेरै फैलिएको थियो। जब हामी डिफेन्सिभ पिभोटबाट अगाडि बढ्ने प्रयास गरिरहेका थियौं, सेन्टर–ब्याकका लागि त्यो दूरी धेरै टाढा थियो र त्यसले हाम्रो तालमेल अलिकति बिग्रियो,’ उनले बताएका छन्।
मेसीले खेलाडीहरूको समन्वय नहुँदा केप भर्डेले बल नियन्त्रणमा राख्न सफल भएको बताए। उनले थपे, ‘उनीहरूसँग सधैं एक जना बढी खेलाडी हुन्थ्यो किनभने हामीले त्यस अनुसार खेलाडी समन्वय गर्न सक्दैनथ्यौं। त्यसैले उनीहरूले बल आफ्नो नियन्त्रणमा राखे र हामी दौडाइरहेका थियौं। किनभने हामीले उनीहरूलाई उचित तरिकाले दबाब दिन सकेनौं।’
