फिफा विश्वकप २०२६ को शनिबार बिहान सम्पन्न खेलपछि प्रशिक्षक लियोनल स्कालोनीले केप भर्डे एक उत्कृष्ट टोली भएको बताएका छन्। २० असार, काठमाडौं। अर्जेन्टिनाले केप भर्डेलाई ३–२ को संघर्षपूर्ण जित निकालेको थियो।
‘निक्कै कठिन खेल थियो, तर सधैं सकारात्मक पक्षहरूमा ध्यान दिनुपर्छ। यो टोलीले कहिल्यै हार मान्दैन। र मैले हाम्रा विपक्षीहरूलाई पनि श्रेय दिनैपर्छ,’ प्रशिक्षक स्कालोनीले भने। उनले थपे, ‘कुनै पनि विपक्षी टोली कमजोर हुँदैन। आज केप भर्डेले आफू एक उत्कृष्ट टोली भएको प्रमाणित गर्यो।’
स्कालोनीले सबै खेलाडीहरूको योगदानलाई कदर गर्दै भने, ‘वास्तविकता के हो भने सबैजना अत्यन्तै थाकेका थिए, किनभने उनीहरूले आफ्नो सम्पूर्ण शक्ति लगाएका थिए। यो अर्जेन्टिना हो। यदि तपाईंले यसलाई बुझ्नुभएको छैन भने यो गाह्रो छ। हामी अर्जेन्टिनीहरूले यसलाई बुझ्नेछौँ, किनभने हाम्रा लागि केही पनि सजिलै प्राप्त हुँदैन।’
