चीनको अजोमा सहरमा ‘टोर्नेडो’ आएपछि सडकमा सिसाका टुक्रा हुत्तिएको देखिएको छ। अनलाइनमा सार्वजनिक भएका भिडिओहरूमा स्थानीयवासीहरू सुरक्षाका लागि घरभित्र पस्न हतारिएको देखिएको छ। ठूलो आँधीबेहरीका कारण सिसा फुटेर सडकभरि टुक्रा टुक्रा छरिएका छन्।
टोर्नेडोका कारण कम्तीमा ११ जनाको ज्यान गएको छ भने सयौँ घाइते भएका छन्। यो क्षेत्रका लागि यस्तो घटना दुर्लभ मानिन्छ। सरकारी सञ्चारमाध्यमका अनुसार सन् २०२१ मा अन्तिम पटक टोर्नेडो आएको थियो। स्थानीय अधिकारीहरूले आपत्कालीन उद्धार तथा राहत कार्यक्रम सञ्चालन गरिरहेका छन्।
