जर्मनीका लागि इरानी कूटनीतिज्ञ माजिद नीलीले इरानविरुद्धको अमेरिकी कारबाहीमा युरोपेली नेताहरूको मौनताप्रति असन्तुष्टि व्यक्त गर्दै चेतावनी दिएका छन्। अमेरिकाले चीन-तुर्कमेनिस्तान-इरान रेल मार्गमा पर्ने अघ-तप्पेह-खान पुलमा हमला गरेको भन्दै उनले यसले अन्तर्राष्ट्रीय व्यापार मार्गलाई जोखिममा पारेको बताएका छन्।
नीलीले बिहीबार एउटा सन्देश जारी गर्दै, इरानविरुद्ध अमेरिकाले गरिरहेको कारबाहीमा केही युरोपेली नेताहरू मौन बसेकोमा असन्तुष्टि जनाए। उनले भने, “अमेरिकाका कथित अपराधहरूलाई सामान्य रूपमा लिनु कसैको सुरक्षाको ग्यारेन्टी होइन।” अमेरिकाले अघ-तप्पेह-खान पुललाई निशाना बनाएको यो पुल अन्तर्राष्ट्रिय यातायात र व्यापार मार्गको अत्यन्त महत्वपूर्ण अंश हो।
यस यातायात मार्गमा अमेरिकाको आक्रमणको विरोध र निन्दा नभएमा आगामी दिनमा अन्य महत्वपूर्ण मार्गहरू पनि सजिलै निसानामा पर्नसक्ने चेतावनी नीलीले दिए। ती मार्गहरूबाट युरोपेली देशहरू पनि लाभान्वित हुँदै आएका छन्। उनले थपे, “अपराधहरूलाई सामान्य मान्नु कसैको सुरक्षा सुनिश्चित गर्ने उपाय हुँदैन।” यसअघि पनि इरानको उत्तरी शहर अक्कालामा रहेको रेलवे पुलमाथि अमेरिकी आक्रमण भएको थियो।
सम्बन्धित खबर
