चितवन राष्ट्रिय निकुञ्जका अधिकारीहरूले गत सातादेखि ‘धुर्बे’ नामक जङ्गली हात्तीलाई खोजिरहेका छन्। ‘धुर्बे’ को आक्रमणले भरतपुर महानगरपालिका-२३ बेलहट्टामा आमाछोराको मृत्यु भएपछि खोजी तीव्र बनाइएको भए पनि अहिलेसम्म उक्त हात्ती भेटिएको छैन भनी निकुञ्जले जनाएका छन्।
विसं २०७० देखि निकुञ्ज क्षेत्र वरपर हात्तीको आक्रमणबाट हालसम्म लगभग ३० जनाको मृत्यु भइसकेको छ। तीमध्ये आधाभन्दा बढी मृत्यु ‘धुर्बे’ हात्तीले मात्र गरेको निकुञ्जका अधिकारीहरूको अनुमान छ। पहिले पनि सरकारको निर्देशनअनुसार ‘धुर्बे’लाई नियन्त्रण गर्न विभिन्न स्रोत र प्रयासहरू सञ्चालन गरिएका भए पनि सफल हुन सकिएको थिएन।
तर यसपटक ‘धुर्बे’को रोकथामका लागि रेडियो कॉलर जडान गर्ने तयारी निकुञ्जले गरेको छ।
