लियोनल मेस्सीको उत्कृष्ट प्रदर्शनमा उपाधि संरक्षणको प्रयासमा रहेको अर्जेन्टिना र उत्कृष्ट रक्षा प्रणाली भएका स्वीस टोलीबीचको प्रतिस्पर्धा बिहान ६:४५ बजे सुरू हुँदैछ। फिफा विश्वकप २०२६ को क्वाटरफाइनलमा पूर्व विजेता अर्जेन्टिना र ७२ वर्षपछि क्वाटरफाइनलमा प्रवेश गरेको स्विट्जरल्यान्ड आइतबार बिहान प्रतिस्पर्धा गर्दैछन्। कप्तान लियोनल मेस्सी रहेको अर्जेन्टिनाले उपाधि रक्षा गर्ने प्रयास गरिरहेको छ भने स्विट्जरल्यान्ड पहिलोपटक सेमिफाइनलमा पुगेर नयाँ इतिहास रच्न खोज्दैछ। कान्सास सिटी स्टेडियममा हुने खेलमा अर्जेन्टिनाको शक्तिशाली आक्रमण र स्विट्जरल्यान्डको अनुशासित रक्षा क्षेत्रमा सघर्ष हुने अपेक्षा गरिएको छ। २७ असार, काठमाडौं। फिफा विश्वकप २०२६ को अन्तिम क्वाटरफाइनलमा पूर्व विजेता अर्जेन्टिना र ७२ वर्षपछि क्वाटरफाइनलमा प्रवेश गरेको स्विट्जरल्यान्ड अमेरिकाको कान्सास सिटी स्टेडियममा आइतबार बिहान भिड्ने भएका छन्। लियोनल मेस्सीको चम्किलो प्रदर्शनमा उपाधि रक्षा अभियानमा रहेको अर्जेन्टिना र उत्कृष्ट डिफेन्स लाइन रहेको स्वीस टोलीबीचको भिडन्त बिहान ६:४५ बजेबाट सुरु हुनेछ। उपाधिका प्रबल दावेदार अर्जेन्टिना र स्विट्जरल्यान्डको ‘जायन्ट किलर’ छविले खेल कडा प्रतिस्पर्धात्मक बनाउनेछ। अर्जेन्टिना चौथो पटक विश्वकप जित्न आफ्नो विरासत जोगाउने प्रयासमा छ भने स्विट्जरल्यान्ड ७२ वर्षपछि क्वार्टरफाइनलमा पुगेको इतिहाससँग नयाँ अध्याय थप्ने उदेश्यले मैदानमा उत्रनेछ।
