नेपाल आयल निगमले बुधबारदेखि १४.२ केजीको पूर्ण सिलिन्डर ग्यास बिक्री गर्ने निर्णय गरेको छ। निगमले १४.२ केजी ग्यासको मूल्य दुई हजार ६० रुपैयाँ तोकेर बिक्री वितरण सुरु गर्ने जानकारी दिएको छ। ७.१ केजीका सिलिन्डर पूर्ण रूपमा प्रतिस्थापन नहुँदासम्म निगमले दुवै प्रकारका सिलिण्डर बिक्री गर्ने जनाएको छ।
३० असार, काठमाडौं। यसअघि निगमले २९ फागुनदेखि ७.१ केजी मात्र (आधा सिलिन्डर) ग्यास बिक्री वितरण गर्दै आएको थियो। बुधबारदेखि मुलुकभरि नै साविककै १४.२ केजी ग्यास भर्ने र पूरा मूल्य २ हजार ६० रुपैयाँमा बिक्री वितरण गर्ने व्यवस्था मिलाएको एक सूचना जारी गर्दै जानकारी दिएको छ। ७.१ केजीको ग्यास सिलिन्डर पूर्ण रूपमा प्रतिस्थापन नहुँदासम्म भने दुबै सिलिण्डरको बिक्री हुने निगमले जनाएको छ।
