फिफा विश्वकप २०२६ को पहिलो सेमिफाइनलमा स्पेनसँग पराजित भएपछि फ्रान्सका प्रशिक्षक डिडिए डेसचाम्प्सले टोलीको प्रदर्शन सन्तोषजनक नभएको बताएका छन्। उनले भने, ‘हामी चुकेका छौं र आक्रमणमा जति खतरनाक हुनुपर्ने हो, त्यति हुन सकेनौं। हामीले पासहरू मिलाउन केही प्राविधिक गल्तीहरू ग¥यौं।’
डेसचाम्प्सले स्पेनले खेललाई पूर्ण रूपमा आफ्नो नियन्त्रणमा राखेको भन्दै फ्रान्सेली टोली प्राविधिक रूपमा सामान्य स्तरभन्दा कमजोर रहेको स्वीकार गरेका छन्। उनले थपे, ‘खेलाडीहरू स्तब्ध भएका छन् किनभने हाम्रो ठूलो महत्वाकांक्षा थियो। यद्यपि हामीले यो स्वीकार गर्नैपर्छ कि आज हामी प्राविधिक रूपमा हाम्रो सामान्य स्तरभन्दा केही कमजोर रह्यौं। स्पेनले खेललाई पूर्ण रूपमा आफ्नो नियन्त्रणमा राखेको थियो।’
