नेपाल भलिबल लिगका लागि ६ फ्रेन्चाइज टोलीका मार्की खेलाडीहरू सार्वजनिक गरिएको छ। प्रमुख कार्यकारी अधिकृत डा. सन्तोष उपाध्यायले प्रेस विज्ञप्तिमार्फत खेलाडीहरूको नामावली सार्वजनिक गर्नुभएको छ। प्रतियोगिता भदौ १२ देखि २० गतेसम्म त्रिपुरेश्वरस्थित राष्ट्रिय खेलकुद परिषद्को कभर्डहलमा सञ्चालन हुने छ।
सगरमाथा स्म्यासर्सका मार्की खेलाडी हरिहजुर थापा हुन् भने मधेश वारियर्सका मार्की खेलाडी रविन नगरकोटी रहेका छन्। काठमाडौं रेड्सका सुनिल बोहरा, अन्नपूर्ण स्पाइकर किङ्सका हिमाल सुनारी, कर्णाली शिवराजका पहल गहतराज र खप्तड फाल्कन्सका धिरज बस्नेत पनि मार्की खेलाडीका रूपमा रहेका छन्।
यसअघि एनभीएलको पहिलो संस्करणमा सहभागी हुने ६ फ्रेन्चाइज टोलीसहित टिम मालिक, टिम लोगो, नारा, फ्रेन्चाइज टोलीका मुख्य प्रशिक्षक र सहायक प्रशिक्षकहरू पनि सार्वजनिक भइसकेका छन्। टिकेटिङ पार्टनरमा आईएमइ खल्ती लिमिटेड र ब्रोडकास्टिङ पार्टनरमा कान्तिपुर टेलिभिजनसँग सम्झौता गरिएको छ। केडिया ग्रुपको आयोजनामा पहिलोपटक हुने पुरुष भलिबलको फ्रेन्चाइज लिग त्रिपुरेश्वरस्थित राष्ट्रिय खेलकुद परिषद्को बहुद्देश्यीय कभर्डहलमा भदौ १२ देखि २० गतेसम्म आयोजना हुने कार्यक्रम तय गरिएको छ।
सम्बन्धित खबर
