फिफा विश्वकप इतिहासमा सन् १९७४ मा नेदरल्यान्ड्सका जोहान निस्केन्सले खेलको ८८ सेकेन्डमै गोल गर्दै विश्वकप फाइनलमा सबैभन्दा छिटो गोल गर्ने कीर्तिमान राखेका छन्। सन् १९५४ को विश्वकप फाइनलमा दुई गोलले पछि परेको पश्चिम जर्मनीले शानदार पुनरागमन गर्दै हंगेरीलाई पराजित गरी उपाधि जित्ने पहिलो टोली बनेको छ। फ्रान्सका किलियन एम्बाप्पेले दुईवटा विश्वकप फाइनलमा गरी कुल चार गोल गर्दै फाइनलमा सर्वाधिक गोल गर्ने खेलाडीको कीर्तिमान आफ्नो नाममा लेखाएका छन्। २ साउन, काठमाडौं।
विश्व फुटबलको सबैभन्दा ठूलो मञ्च फिफा विश्वकपको फाइनल सधैं इतिहास, कीर्तिमान र अविस्मरणीय क्षणले भरिएको हुन्छ। सन् १९३० देखि २०२२ सम्मका २२ विश्वकप फाइनलले धेरै अनौठा तथ्य जन्माएका छन्। आइतबार हुने अर्जेन्टिना र स्पेनबीचको फाइनलअघि त्यस्ता केही रोचक तथ्यहरू प्रस्तुत गरेका छौं।
विश्वकप फाइनलमा सबैभन्दा छिटो गोल नेदरल्यान्ड्सका जोहान निस्केन्सले सन् १९७४ मा पश्चिम जर्मनीविरुद्ध गरेका थिए। खेल सुरु भएको मात्र ८८ सेकेन्डमा उनले पेनाल्टीमार्फत गोल गरेका थिए। ६० वर्षपछि पहिलो क्लिन सिट सन् १९९० मा पश्चिम जर्मनीले अर्जेन्टिनालाई १–० ले हराउँदै पहिलो पटक गोल नखाई विश्वकप फाइनल जित्यो। स्पेन सन् २०१० मा दोस्रो जर्सीमा विश्वकप फाइनल जित्ने पहिलो टोली बन्यो। २२ वर्षको उमेर अन्तर भएको विजेता टोली सन् १९८२ मा इटाली विश्वविजेता बन्दा टोलीका सबैभन्दा कान्छा खेलाडी जिउसेप्पे बेर्गोमी १८ वर्षका थिए।
ब्राजिलका काफु विश्वकपका तीन फाइनल खेल्ने एकमात्र खेलाडी थिए। अब अर्जेन्टिनाका लियोनल मेसीले पनि २०१४, २०२२ र २०२६ गरी तेस्रो विश्वकप फाइनल खेल्दै काफुको कीर्तिमान बराबरी गर्नेछन्। एम्बाप्पे विश्वकप फाइनलमा सर्वाधिक चार गोल गर्ने खेलाडी हुन्। यदि अर्जेन्टिनाले उपाधि जित्यो भने मेसी दुई पटक विश्वकप जित्ने पहिलो कप्तान बन्नेछन्।
