विश्वकप फाइनलअघि चर्चामा रहेको मेस्सी र यमालको ‘दुर्लभ’ तस्बिरले चर्चा पाएको छ। सन् २००७ मा खिचिएको यो तस्बिर अहिले विशेष रूपमा चर्चा विषय बनेको छ। फुटबलका सुपरस्टार लिओनेल मेस्सी र युवा प्रतिभा लमिन यमालको यो दुर्लभ तस्बिरको पछाडि एक विशेष कारण छ। आज राति हुने विश्वकप फुटबल फाइनलमा मेस्सी आर्जेन्टिनालाई लगातार दोस्रो पटक विश्व च्याम्पियन बनाउने प्रयासमा छन् भने यमाल स्पेनलाई विश्व विजेता बनाउने अवसरको सामना गर्नेछन्।
सन् २००७ मा २० वर्षका मेस्सी ‘ग्रेटेस्ट अफ अल टाइम’ बन्ने क्रममा थिए र उनले यूनिसेफको च्यारिटी क्यालेन्डरको लागि यो फोटो सेसन गराएका थिए। त्यस बेला बार्सिलोना क्लबमा आवद्ध मेस्सीले क्याम्प नू रंगशालाको ड्रेसिङ रुममा यमालसँग तस्बिर खिचेका थिए। यमालको परिवारले ‘बार्सिलोना खेलाडीसँग तस्बिर खिच्ने अवसर’का लागि नाम दर्ता गरेका थिए। लट्टेरी सन्दर्भमा यमालको परिवारले उक्त अवसर जितेपछि मेस्सीले प्लास्टिकको बाथटबमा राखिएको शिशुसँग तस्बिर खिचेका थिए।
हाल मेस्सी ३९ वर्षका भइसकेका छन् भने यमाल १९ वर्षका भएका छन्। मेस्सीले कयौँ पटक यमाललाई ‘फुटबलको भविष्य’ भएको र आफ्नो उत्तराधिकारी खेलाडी भएको भनी उल्लेख गरिसकेका छन्। यो तस्बिर खिचाउँदा यमाल केही महिनाको शिशु थिए, जुन अहिले अन्तर्राष्ट्रिय फुटबलमा स्पेनका एक प्रमुख र प्रभावशाली खेलाडीको रूपमा परिचित छन्।
सम्बन्धित खबर
