एन्डी बर्नह्याम बेलायतका ५९औं प्रधानमन्त्री नियुक्त हुनुभएको छ। राजा चार्ल्स तृतीयले सरकार गठनका लागि आमन्त्रण गरेपछि उहाँले डाउनिङ स्ट्रिटमा पहिलो सम्बोधन गर्नुभयो। केयर स्टारमरको राजीनामापछि बर्नह्यामले लेबर पार्टीको नेतृत्व सम्हाल्दै राजनीतिलाई थप समृद्ध पार्ने प्रतिबद्धता जनाउनुभएको छ।
बर्नह्यामले बेलायतका नयाँ प्रधानमन्त्रीको रूपमा आफ्नो पहिलो भाषणमा राजनीतिलाई ‘राम्रोसँग सञ्चालन गर्ने’ वाचा गर्नुभयो। उनी बकिङ्घम प्यालेसबाट आइपुगेपछि डाउनिङ स्ट्रिटमा सम्बोधन गर्नुभएको थियो, जहाँ राजा चार्ल्स तृतीयले उनलाई सरकार गठन गर्न निमन्त्रणा दिनुभएको थियो। उनी एक दशकमा बेलायतका सातौं प्रधानमन्त्रित्व रहने व्यक्ति हुन्। यसअघि, केयर स्टारमरले प्रधानमन्त्री पदबाट राजीनामा दिएका थिए।
यसैबीच, दर्जनौँ लेबर पार्टीका नेताहरू डाउनिङ स्ट्रिटमा भेला भएका छन्, जसमा केहीले नयाँ सरकारमा प्रमुख भूमिका निर्वाह गर्न सक्छन्। एन्डी बर्नह्यामले पनि पहिले लेबर पार्टीको नेतृत्व गर्ने प्रयासहरू गरिसकेका थिए तर सफल हुन भने सकेका थिएनन्। सन् १९७० मा लिभरपुलमा जन्मिएका बर्नह्याम वारिङ्टन नजिकैको एउट गाउँमा हुर्किनुभएको हो। उहाँका पिता ब्रिटिस टेलिकममा इन्जिनियर थिए भने आमा रिसेप्सनिस्ट थिइन्। दुवै जना लेबर पार्टीका कट्टर समर्थक भएका कारण बर्नह्यामलाई सानै उमेरदेखि राजनीतिमा रुचि जाग्यो।
