भाटभटेनी सुपरमार्केट र यसका अधीनस्थ पेपे पिज्जाले अन्तर्राष्ट्रिय प्रसिद्ध मिक्स मार्शल आर्ट्स (एमएमए) खेलाडी रविन्द्र ढाँटलाई तीन वर्षका लागि आफ्नो ब्राण्ड एम्बेसडर नियुक्त गरेको छ। भाटभटेनीले रविन्द्रको अन्तर्राष्ट्रिय खेलकरियरमा सहयोग पुर्याउने उद्देश्यले नगद र सामग्रीसहितको प्रायोजन सम्झौता गरेको छ। सम्झौताअनुसार, रविन्द्रले भाटभटेनी, पेपे पिज्जा र पेपे आइसक्रिमका प्रचार-प्रसारमा प्रतिनिधित्व गर्नेछन्। ४ साउन, काठमाडौं।
भाटभटेनी सुपरमार्केट र यसको अधीनस्थ पेपे पिज्जाले अन्तर्राष्ट्रिय रूपमा ख्यातिप्राप्त रविन्द्रलाई तीन वर्ष लामो अवधिका लागि आफ्नो ब्राण्ड एम्बेसडर परिचय गराएको छ। सोमबार जारी विज्ञप्तिमा भाटभटेनीले रविन्द्रको अन्तर्राष्ट्रिय खेल जीवनलाई सहयोग गर्ने उद्देश्यले तीन वर्षसम्म नगद तथा सामग्रीको प्रायोजन गर्ने उल्लेख गरेको छ। सम्झौताका आर्थिक पक्षहरू दुवै पक्षले सार्वजनिक गरेका छैनन्।
सम्झौतापश्चात, रविन्द्रले भाटभटेनीसँगै पेपे पिज्जा र पेपे आइसक्रिमका प्रचार-प्रसारका गतिविधिहरूमा पनि आफ्नो प्रतिनिधित्व रहने छ। भाटभटेनीले अनुशासन, दृढता र उत्कृष्टता प्रति निरन्तर प्रयास जस्ता मूल्यहरू दुवै पक्षका साझा मान्यता भएको उल्लेख गर्दै सोही आधारमा रविन्द्रलाई आफ्नो ब्राण्डको अनुहार बनाएको जनाएको छ। नेपाली प्रतिभालाई प्रोत्साहन गर्ने साथै देशभरका ग्राहकहरूसँग सम्बन्धलाई अझ सुमधुर बनाउने उद्देश्यले यस सहकार्य गरिएको छ भनी भाटभटेनीले बताए।
हाल एमएमएको विश्व चर्चित रोड टु यूएफसी सिजन ५ को सेमिफाइनल फाइटको तयारीमा रहेका रविन्द्रलाई यो सहकार्यले अन्तर्राष्ट्रिय मञ्चमा नेपालको प्रतिनिधित्व उत्कृष्ट बनाउन थप प्रेरणा दिने विश्वास व्यक्त गरिएको छ। सन् १९८४ मा स्थापना भएको भाटभटेनी सुपरमार्केट एन्ड डिपार्टमेन्टल स्टोर नेपालमा रिटेल बजारको एक प्रमुख गन्तव्यको रूपमा परिचित छ। कम्पनीले पेपे पिज्जा र पेपे आइसक्रिम लगायतका स्वदेशी ब्राण्डहरू संचालन गर्दै आएको छ।
सम्बन्धित खबर
