आईसीसी क्रिकेट विश्वकप लिग २ अन्तर्गत आज नेदरल्यान्ड्समा नेपाल र नामिबियाबीच खेल हुँदैछ। नेपाली समय अनुसार पौने ३ बजे युट्रेक्टमा सुरु हुने उक्त खेलमा नेपालले अंकतालिका सुधार गर्ने लक्ष्य राखेको छ। लिग २ को शीर्ष चार स्थानमा पर्न सके नेपाल सिधै ओडीआई विश्वकप छनोटमा प्रवेश गर्ने अवसर पाउनेछ। ५ साउन, काठमाडौं।
आईसीसी क्रिकेट विश्वकप लिग २ अन्तर्गत आजदेखि नेदरल्यान्ड्समा नेदरल्यान्ड्स, नामिबिया र नेपाल सम्मिलित श्रृंखला सुरु हुँदैछ। श्रृंखलाको पहिलो खेलमा नेपालले नामिबियासँग प्रतिस्पर्धा गर्दैछ। खेल नेपाली समय अनुसार दिउँसो पौने ३ बजे युट्रेक्टमा सुरू हुनेछ।
लिग २ अंकतालिकामा हाल २८ खेलमा २८ अंकसहित पाँचौं स्थानमा रहेको नेपाली टोलीका लागि यो श्रृंखलासँगै आगामी अन्तिम श्रृंखला अत्यन्त महत्वपूर्ण रहेको छ। शीर्ष चार स्थानमा पर्न सके नेपालले ओडीआई विश्वकप छनोटमा सिधै प्रवेश गर्नेछ भने शीर्ष छ स्थानमा पर्दा ओडीआई स्थिति कायम हुनेछ।
नामिबिया २८ खेलमा २२ अंकसहित सातौं स्थानमा छ भने नेदरल्यान्ड्स ३२ अंकसहित तेस्रो स्थानमा छ। नेपालको टोलीमा रहेका खेलाडीहरू हुन् : रोहित पौडेल, कुशल भुर्तेल, दीपेन्द्रसिंह ऐरी, आसिफ शेख, विनोद भण्डारी, इशान पाण्डे, भीम सार्की, आरिफ शेख, गुल्शन झा, सोमपाल कामी, करण केसी, नन्दन यादव, ललित राजवंशी, सन्दीप लामिछाने, अर्जुन कुमाल।
सम्बन्धित खबर
