युक्रेनी राष्ट्रपति भोलोदिमिर जेलेन्स्कीले राष्ट्रका सेनापति ओलेक्सान्डर सिर्स्कीलाई पदबाट हटाएका छन्। केही दिन पहिले लोकप्रिय रक्षामन्त्री मिखाइलो फेडोरोभलाई पदमुक्त गरेपछि अहिले सेना प्रमुखलाई पनि पदबाट हटाइएको हो। रक्षामन्त्रीको हटाइको विरोधमा देशभरिकै प्रदर्शन भएका थिए। सेनापति सिर्स्की र रक्षामन्त्री फेडोरोभबीच विवाद भएको अनुमान गरिएको थियो जसका कारण फेडोरोभ हटाइएका थिए।
३५ वर्षीय फेडोरोभ मन्त्रालयलाई गतिशील बनाउने, सशस्त्र बलको रुपान्तरण र भ्रष्टाचारविरुद्ध कडा अभियानका कारण लोकप्रिय थिए। सेनापति सिर्स्कीलाई युक्रेनमा मुख्य परिवर्तन गर्न चाहेनन् भन्ने सोभियत शैलीका सैन्य कमाण्डरको रूपमा हेरिएको थियो। हाल ६० वर्षका सिर्स्कीको ठाउँमा ४३ वर्षका मिखाइलो द्रापातीलाई सेनापतिको रूपमा नियुक्त गरिएको छ। उनी एक लोकप्रिय र युद्धमा अनुभवी जेनरल हुन्। “म पुरै जिम्मेवारी लिएर, ध्यान र सम्मानका साथ काम गर्नेछु जुन हाम्रो देशको रक्षा गर्दै आएका मानिसहरूलाई सम्बोधन गर्छ,” द्रापातीले फेसबुकमा लेखेका छन्।
सरकारमा जिम्मेवारी दिने प्रस्ताव मंगलबार राति सामाजिक सञ्जालमा सार्वजनिक भिडियो सन्देशमा जेलेन्स्कीले सिर्स्कीलाई धन्यवाद दिएका छन्। उनले रुसी आक्रमणका सुरुवाती दिनहरूमा राजधानी किवको रक्षामा सिर्स्कीको योगदानको प्रशंसा गरेका छन्। जेलेन्स्कीले आफूले फेडोरोभसँग पनि भेट गरेर उनलाई सरकारमा अन्य उपयुक्त स्थान प्रस्ताव गरेको बताएका छन्। तर फेडोरोभको जवाफ खुलेको छैन। गत साता फेडोरोभको ठाउँमा युक्रेन सेक्युरिटी सर्भिसका पूर्व प्रमुख येभेनी ख्मारा रक्षामन्त्री नियुक्त भएका थिए।
निवर्तमान रक्षामन्त्री फेडोरोभले नयाँ सेना प्रमुख द्रापातीलाई बधाई दिएका छन्। फेडोरोभले पदमुक्त भएको सेनापति सिर्स्कीलाई पनि फोन गरेर किव क्षेत्रको रक्षा तथा अन्य “ऐतिहासिक युद्ध”मा उनका योगदानको लागि धन्यवाद दिएका छन्। युक्रेनका डिजिटल रूपान्तरण मन्त्री रहिसकेका उनले रुसी आक्रमण सुरु भएपछि स्वयंसेवी ‘आईटी आर्मी अफ युक्रेन’ नामक सैन्य साइबर समूह गठन गरेका थिए। जेलेन्स्कीमाथि दबाब फेडोरोभलाई पदमुक्त गरेपछि लगातार छ दिनसम्म देशव्यापी प्रदर्शन भएपछि जेलेन्स्कीमाथि तनाव बढ्यो र तिनको सम्पर्कमा विवादमा रहेका सेनापति सिर्स्कीलाई पनि हटाउन दबाब प¥यो।
द्रापातीलाई सेनापतिमा नियुक्त गरेर जेलेन्स्कीले प्रदर्शनकर्ताहरूको माग पूरा गरेको ठानिन्छ। द्रापाती पूर्व रक्षामन्त्री फेडोरोभसँग निकट छन्। फेडोरोभले पनि द्रापातीलाई समर्थन गरेपछि राजनीतिक तनाव कम हुने अपेक्षा गरिएको छ। जेलेन्स्कीले रक्षामन्त्री ख्मारा र सेना प्रमुख द्रापातीलाई नया सैन्य संरचना सुधार, हतियार आपूर्ति र ड्रोन सहितका विषयमा नयाँ रक्षा रणनितिको तयारी गर्न निर्देशन दिएका छन्।
सम्बन्धित खबर
