छिटो दुःखी र छिटो खुशी हुने बालबालिकासँग कस्तो व्यवहार गर्ने?

समाचार सारांश अभिभावकहरूले बालबालिकाको संवेदनशीलतालाई कमजोरी नभई शक्ति हो भनी प्रोत्साहन र सम्मान गर्नुपर्छ। हरेक बच्चाको स्वभाव फरक हुन्छ। उनीहरूले आफूलाई व्यक्त गर्ने शैली पनि भिन्न हुन्छ। केही बच्चाहरू आफ्ना भावनाहरू खुला रूपमा व्यक्त गर्छन् भने कतिपय सायद व्यक्त गर्न सक्दैनन्। कोही समूहमा रमाउन रुचाउँछन् भने कोही एकान्त मन पराउने हुन्छन्। केही बालबालिकाहरू साना कुरामा पनि भावनात्मक परिवर्तन देखाउँछन्। अत्यन्त संवेदनशील बालबालिका छिटै खुशी हुन्छन् र छिटै दुःखी पनि हुन्छन्। अरूलाई परेको पीड़ा, कुनै नराम्रो घटना वा परिस्थिति उनीहरूलाई छफछफाउन सक्छ र आँसु झार्न सक्छन्। कोलाहलपूर्ण वातावरणले उनीहरूलाई विचलित बनाउँछ। सुन्दर वस्तुहरू वा कसैको दयालु व्यवहारले उनीहरूलाई प्रेरणा दिन्छ। यद्यपि, यस्ता स्वभावले तिनीहरूमा समस्याहरू निम्त्याउन सक्छ। कहिलेकाहीं साथी वा अन्य व्यक्तिले यस्तो संवेदनशीलताको कारण ती बालबालिकालाई जिस्क्याउने वा खिस्याउने पनि गर्दछन्।
यस्ता बालबालिकालाई अभिभावकहरूले कसरी सहयोग गर्ने? – उनीहरूको भावनालाई सम्मान गर्ने। – बालक रोए तापनि तिनीहरूलाई चुप लाग्न दबाउन गाली नगर्ने। – आफ्ना भावनाहरू व्यक्त गर्न हौसला दिने। – अरूप्रति संवेदनशील हुनु राम्रो गुण हो भन्ने विश्वस्त पार्ने। – उनीहरूको गहिरो सोचलाई शक्ति हो भनेर चिनाउने। – यदि कसैले तपाईंको बच्चाको संवेदनशीलतालाई लिएर मजाक गर्दा वा ती बालबालिकालाई अपमानित गर्दा, चाहे त्यो शिक्षक, परिवारका सदस्य वा सहपाठी हो, त्यसलाई रोक्नुपर्ने हुन्छ। यस्ता व्यवहारलाई समर्थन गर्नु हुँदैन।