सुदूरपश्चिम रोयल्स र मार्भल टेक्नोप्लास्टबीच नेपाल प्रिमियर लिग (एनपिएल) का लागि एक्सिलेन्स पार्टनरको रूपमा दोस्रो वर्ष पनि सम्झौता नवीकरण भएको छ। सुदूरपश्चिम रोयल्सका प्रमुख कार्यकारी निर्देशक प्रकाश खड्काले यस साझेदारीले नेपाली क्रिकेटको व्यावसायिक विकासमा महत्वपूर्ण योगदान पुर्याउने विश्वास व्यक्त गरे।
मार्भल टेक्नोप्लास्टका उपाध्यक्ष पवन कुमार सन्चेतीले खेलकुदमार्फत राष्ट्रलाई एकताबद्ध बनाउन यस्ता सहकार्यले थप ऊर्जा प्रदान गर्ने बताए। बुधबार आयोजित कार्यक्रममा सुदूरपश्चिम रोयल्सका प्रमुख कार्यकारी निर्देशक प्रकाश खड्का र मार्भल टेक्नोप्लास्टका उपाध्यक्ष पवन कुमार सन्चेतीले सम्झौतामा हस्ताक्षर गरेका छन्।
सम्झौता पश्चात् प्रमुख कार्यकारी निर्देशक प्रकाश खड्काले दोस्रो वर्ष पनि सहकार्यलाई निरन्तरता दिन पाउँदा खुशी लागेको उल्लेख गर्दै भने, “यस साझेदारीलाई अझ मजबुत बनाएर ब्रान्डिङ, बजार विस्तार र व्यवसायिक प्रवर्द्धनमा थप परिणाममुखक सहकार्य गरिनेछ भन्ने विश्वास लिएका छौं।”
मार्भल टेक्नोप्लास्टका उपाध्यक्ष पवन कुमार सन्चेतीले सुदूरपश्चिम रोयल्ससँगको सहकार्यलाई निरन्तरता दिन पाउँदा खुशी लागेको उल्लेख गर्दै टोलीलाई आगामी प्रतियोगिताका लागि शुभकामना दिए। “नेपाल प्रिमियर लिग जस्तो प्रतियोगिताले देशलाई खेलमार्फत एकताबद्ध बनाउन महत्वपूर्ण भूमिका खेल्नेमा हामी विश्वस्त छौं,” उनले भने।
सम्बन्धित खबर
