चीनको एन्ह्वे प्रान्तमा रहेको एउटा तालमा आकाशको प्रतिबिम्ब देखिँदा, तालको बीचबाट गुड्ने सडकमा गाडी चल्दा मानौं आकाशमै गाडी गुडिरहेको छ जस्तो देखिएको छ। यो अनौठो दृश्यले धेरैलाई आश्चर्यचकित पारेको छ।
सामाजिक सञ्जालमा यो दृश्यको भिडियो व्यापक रूपमा फैलिएका कारण मानिसहरूलाई गाडी आकाशमा नै चलिरहेको जस्तो भ्रम सिर्जना भएको छ। यस्तो दृश्यले प्राकृतिक सौन्दर्य र प्रविधिको विचित्र संयोजनलाई प्रष्ट रूपमा देखाउँछ।
