इरानले अमेरिका र इजरायलमाथि आक्रमणको प्रत्युत्तर स्वरूप खाडी क्षेत्रस्थित अमेरिकी सैन्य अड्डा तथा पूर्वाधारलाई निशाना बनाउँदै आक्रमण जारी राखेको छ। तथापि, खाडी मुलुकहरूले इरानमाथि प्रत्यक्ष आक्रमण नगरी आफ्ना रक्षा प्रणालीहरूलाई बलियो बनाउन फोकस गरेका छन् र धेरै मिसाइलहरू आकाशमै मार्न सफल भएका छन्। क्षेत्रीय युद्धको सम्भावित जोखिम, आर्थिक स्थिरता, कूटनीतिक संयमता र स्ट्रेट अफ होर्मुजको संवेदनशील अवस्थालाई ध्यानमा राखेर यी देशहरूले इरानमाथि सिधा आक्रमण नगरेको विज्ञहरूले बताएका छन्। १० चैत, काठमाडौं।
अमेरिका र इजरायलले इरानमा हमला गरेपछि इरानले पनि खाडी मुलुकहरूमा रहेको अमेरिकी सैनिक अड्डालाई लक्षित गर्दै आक्रमण गरिरहेको छ। इरानको निशानामा बहराइन, कुवेत, साउदी अरब, कतार, ओमान र युनाइटेड अरब इमिरेट्स (यूएई) लगायतका देशहरू छन्। यी मुलुकका रणनीतिक महत्त्वपुर्ण स्थानहरूलाई लक्षित गरी विमानस्थल, ऊर्जा पूर्वाधार, होटल तथा आवास क्षेत्रमा क्षति पुगेका समाचारहरू प्राप्त भएका छन्। हालै इजरायलले इरानको साउथ पार्स नामक विश्वकै ठूलो प्राकृतिक ग्यास क्षेत्रमा हमला गरेपछि, इरानले प्रत्युत्तर स्वरूप कतारको रास लफान ऊर्जा केन्द्रमा आक्रमण गरे र व्यापक क्षति पुर्याएको थियो।
खाडी देशहरूले इरानमाथि सिधा आक्रमण नगरिनुको पछाडि केही मुख्य रणनीतिक र राजनीतिक कारणहरू रहेका छन्। क्षेत्रीय शान्ति र युद्धको सम्भावना, आर्थिक विकास योजनाहरूको संरक्षण, कूटनीतिक संयमता तथा मध्यस्थता प्रयास र स्ट्रेट अफ होर्मुजको संवेदनशीलता यी तत्वहरू हुन् जसले गर्दा ती मुलुकहरूले प्रत्यक्ष आक्रमण बाट टरेका छन्। युएईको विमानस्थल समेत इरानको निशानामा परेको विषय बाहिर आएको छ, तर कतिपय खाडी मुलुकहरूले आफ्नै बलले इरानमाथि सशस्त्र हमला नगरी आफ्ना रक्षात्मक प्रणालीहरूलाई बलियो बनाउने पक्ष लिएका छन्।
अहिले संयुक्त अरब इमिरेट्ससहित २२ वटा मुलुकहरूले संयुक्त विज्ञप्ति जारी गर्दै स्ट्रेट अफ होर्मुजमा जहाजमाथि भएका आक्रमणहरूको कडा निन्दा गरेका छन्। लन्डनस्थित किङ्स कलेजका अन्तर्राष्ट्रिय सुरक्षा प्राध्यापक रोब जाइस्ट पिन्फोल्डका अनुसार खाडी मुलुकहरूले इरानको व्यवहारलाई ‘आतंकवादी गतिविधि’ को रूपमा निन्दा गर्दा पनि, उनीहरूले संयमता अपनाएको मुख्य कारण आफ्नो राष्ट्रिय सुरक्षा, आर्थिक भबिष्य र र्प्रदेसको विनाशबाट बच्नलाई हो।
सम्बन्धित खबर
