इरानले अली लारिजानीको निधनपछि मोहम्मद बागेर जोल्घादरलाई सर्वोच्च राष्ट्रिय सुरक्षा परिषद्को नयाँ सचिव नियुक्त गरेको छ। राष्ट्रपति कार्यालयका सञ्चार उपप्रमुख सय्यद मोहम्मद मेहदी तबताबाईले इरानका सर्वोच्च नेताको राय र स्वीकृतिमा नियुक्ति पुष्टि गरेका छन्। जोल्घादरले १६ मार्चमा इजरायली आक्रमणमा मारिएका लारिजानीको स्थान लिनेछन् र उनी आईआरजीसीका पूर्व उपकमान्डर-इन-चीफ हुन्।
अली लारिजानीको निधनपछि इरानले नयाँ सुरक्षा प्रमुख नियुक्ति गरेको छ। मोहम्मद बागेर जोल्घादरलाई सर्वोच्च राष्ट्रिय सुरक्षा परिषद्को नयाँ सचिवको रूपमा नियुक्त गरिएको हो। राष्ट्रपति कार्यालयका सञ्चार तथा सूचना उपप्रमुख सय्यद मोहम्मद मेहदी तबताबाईले नयाँ सुरक्षा प्रमुख नियुक्तिको पुष्टि सार्वजनिक गरेका छन्। उनले सामाजिक सञ्जालमार्फत भनेका छन्, ‘इरानका सर्वोच्च नेताको राय र स्वीकृतिमा यो निर्णय गरिएको हो।’
जोल्घादरले १६ मार्चमा इजरायली आक्रमणमा मृत्युवरण गरेका अली लारिजानीको स्थान लिनेछन्। ब्रिगेडियर जनरल जोल्घादर क्रान्तिकारी गार्डका प्रमुख कमान्डरहरू मध्ये एक थिए। उनी रमजान ओभरसिज बेसका संस्थापकहरू मध्ये एक थिए, जसले पछि कुड्स फोर्स (आईआरजीसीको विदेशी शाखा) को आधार तयार पारेको थियो। जोल्घादरले आठ वर्षसम्म आईआरजीसी संयुक्त कर्मचारी प्रमुख र आठ वर्षसम्म इस्लामिक रिभोलुसनरी गार्ड कोर्प्सको उपकमान्डर-इन-चीफको रूपमा सेवा गरेका छन्।
सम्बन्धित खबर
