दलाई लामाले विश्वव्यापी युद्धको आलोचना गर्दै भने – हिंसाले मात्र थप हिंसा जन्माउँछ

१७ चैत, काठमाडौं । भारतमा निर्वासित तिब्बती आध्यात्मिक गुरु दलाई लामाले विश्वभरि भइरहेका युद्धहरू अन्त्य गर्न अपिल गरेका छन्। मंगलबार उनले एक्समार्फत व्यक्त गर्दै भने, “हिंसाले मात्र अर्को हिंसाको जन्म दिन्छ,” र सबैलाई संवाद, समझदारी र आपसी सम्मानको बाटोमा अघि बढ्न आग्रह गरेका छन्।
‘हामी सबै यसमा सहमत छौं कि इसाई धर्म, बौद्ध धर्म, इस्लाम, हिन्दु धर्म, यहूदी धर्म वा विश्वका कुनै पनि आध्यात्मिक परम्पराले सधैं एउटै सन्देश दिन्छ – प्रेम, करुणा, सहिष्णुता र आत्म-अनुशासन,’ दलाई लामाले भने।
‘इतिहासले पुनःपुनः प्रमाणित गरेको छ कि हिंसाले मात्र अर्को हिंसालाई जन्म दिन्छ तर कहिल्यै स्थायी शान्ति स्थापना गर्न सक्दैन,’ उनले जोड दिए। उनले भने, कुनै पनि विवादको स्थायी समाधान संवाद र समझदारीमा मात्र सम्भव छ। ‘मध्यपूर्व होस् वा रुसी-युक्रेनी संघर्ष, यी सबैको समाधान संवाद, समझदारी र आपसी सम्मानबाट मात्र सम्भव छ,’ दलाई लामाले बताए।
दलाई लामाले सबैलाई हिंसा र द्वन्द्व तुरुन्तै रोक्न प्रार्थना र अनुरोध पनि गरेका छन्।