गल्फ स्टार टाइगर वूड्सले आउँदो राइडर कपका लागि अमेरिकी टोलीको कप्तान बन्ने प्रस्ताव अस्वीकार गरेका छन्। ५० वर्षे वूड्सलाई हालै फ्लोरिडामा भएको गाडी दुर्घटनापछि ‘मादक पदार्थ सेवन गरेर सवारी चलाएको’ आरोपमा पक्राउ गरिएको थियो। उनले आफ्नो स्वास्थ्यमा ध्यान दिने र उपचारका लागि व्यावसायिक गल्फबाट केही समय टाढा रहने बताएका छन्।
वूड्सले आफना वकिलमार्फत दोषी नभएको निवेदन पनि दिएका छन्। दुर्घटनापछि उनलाई सवारी दुर्घटना, सम्पत्ति क्षति, र परीक्षण अस्वीकृत गरेको आरोप लागेका छन्। अदालतले उनलाई उपचारका लागि विदेश जान अनुमति पनि प्रदान गरेको छ। पीजीए अफ अमेरिकाले वूड्सको निर्णयको सम्मान गर्दै उनको स्वास्थ्य सुधारको कामना गरेको छ।
सन् २०२७ को राइडर कप आयरल्यान्डमा आयोजना हुनेछ। वूड्सले यसअघिसम्म अमेरिका लागि आठ पटक राइडर कप खेलेका छन्। प्रहरीले दुर्घटनापछि वूड्ससँग पीडानाशक औषधि (हाइड्रोकोडोन) फेला परेको र उनी सामान्य अवस्थामा नरहेको बताएका छन्। यसअघि पनि गम्भीर दुर्घटना र शल्यक्रियाका कारण वूड्सले सीमित मात्रामा खेलमा भाग लिएका छन्। अहिले उनी गोप्य रूपमा विशेष उपचार कार्यक्रमका लागि विदेश जाने तयारीमा छन्।
