क्यानडाले युक्रेनको ऊर्जा क्षेत्रको पुनर्निर्माणका लागि २० मिलियन क्यानेडियन डलर बराबरको आर्थिक सहयोग दिने निर्णय गरेको छ। युक्रेनी उप-प्रधानमन्त्री युलिया स्भिरिडेन्कोले उक्त रकम ‘युक्रेन इनर्जी सपोर्ट फन्ड’ मा जम्मा गरिने जानकारी दिइन्।
युक्रेनमा सन् २०२५ को अन्त्यदेखि ऊर्जा आपूर्तिमा समस्या देखिएको छ र दैनिक रूपमा विद्युत कटौती जारी रहेको छ। १९ चैत, काठमाडौं। रूससँग जारी युद्ध र प्राकृतिक प्रकोपका कारण क्षति पुगेको युक्रेनको ऊर्जा क्षेत्रको पुनर्निर्माणका लागि क्यानडाले २० मिलियन क्यानेडियन डलर (करीब १४.४ मिलियन अमेरिकी डलर) आर्थिक सहयोग दिने भएको हो।
युक्रेनी उप-प्रधानमन्त्री तथा अर्थमन्त्री युलिया स्भिरिडेन्कोले आफ्नो टेलिग्राम च्यानलमार्फत क्यानडाको निरन्तर समर्थनप्रति धन्यवाद व्यक्त गर्दै उक्त रकम ‘युक्रेन इनर्जी सपोर्ट फन्ड’ मा जम्मा गरिने जानकारी दिइन्। युक्रेनमा सन् २०२५ को अन्त्यदेखि ऊर्जा आपूर्तिमा गम्भीर समस्या देखिएको छ। अत्यधिक चिसो र युद्धका कारण ऊर्जा पूर्वाधारमा ठूलो क्षति पुगेकोले देशको ऊर्जा क्षेत्रमा ‘संकटकाल’ घोषणा गरिएको छ। हाल धेरै क्षेत्रमा दैनिक रूपमा अनवरत विद्युत कटौती भइरहेको छ।
