ललितपुरको महालक्ष्मी नगरपालिका–७ चांगाथलीमा ग्रिन सिटी भिल्ला अपार्टमेन्ट भाडामा लिएर जुवा खेलाइरहेका अवस्थामा प्रहरीले २१ जनालाई पक्राउ गरेको छ। पक्राउ परेकाहरुका साथबाट ९ लाख ७ हजार ९७५ रुपैयाँ, ३९ पत्ता तास र १६ थान कौडा बरामद गरिएको छ।
सिन्धुपाल्चोक घर भएका दीपक बोहोराले सञ्चालित उक्त भिल्लाको दोस्रो तलामा मोहन कृष्ण शाहीले भाडामा लिएर जुवा खेलाउने गरेको जिल्ला प्रहरी परिसर ललितपुरका एसपी तथा प्रवक्ता गौतम मिश्रले जानकारी दिएका छन्।
यो घटना १९ चैतमा भएको हो। ललितपुरमा अपार्टमेन्ट नै भाडामा लिएर जुवा खेलाउने घटनाले सुरक्षा निकायलाई चासोमा राखेको छ।
