कालिन्चोक हाइड्रोपावरले १३ करोड ७५ लाख रुपैयाँ बराबरको १३ लाख ७५ हजार प्राथमिक सेयर सर्वसाधारणका लागि निष्कासन गरेको छ। आईपीओमा न्यूनतम १० र अधिकतम १० हजार कित्ताका लागि आवेदन दिन सकिनेछ र आवेदन चैत २५ गतेसम्म खुला रहनेछ। कम्पनीको आयोजना दोलखा जिल्लाको साँगुखोलाबाट ५ मेगावाट क्षमतामा निर्माण गरिएको छ र कुल लागत १ अर्ब २० करोड रुपैयाँ रहेको छ।
२२ चैत, काठमाडौं। कालिन्चोक हाइड्रोपावरको प्राथमिक सेयर (आईपीओ) सर्वसाधारणका लागि खुला गरिएको छ। कम्पनीले आफ्नो जारी पूँजी ५५ करोड रुपैयाँको २५ प्रतिशत अर्थात् १३ करोड ७५ लाख रुपैयाँ बराबरको १३ लाख ७५ हजार कित्ता सेयर सर्वसाधारणलाई बिक्री गर्न लागेको छ। यसमा आयोजना प्रभावित स्थानीय, वैदेशिक रोजगारीमा रहेका नेपाली, सामूहिक लगानी कोष र कर्मचारीहरूलाई बाँडफाँट गरेपछि बाँकी रहेका ६ लाख ८४ हजार ७५० कित्ता सेयर सर्वसाधारणका लागि छुट्याइएको हो।
आईपीओमा न्यूनतम १० र अधिकतम १० हजार कित्ताका लागि आवेदन दिन सकिने जानकारी बिक्री प्रबन्धक आरबीबी मर्चेन्ट बैंकिङले दिएको छ। आवेदन चैत २५ गतेसम्म खुला रहनेछ। आईपीओको मूल्याङ्कनमा केयर रेटिङ नेपालले कम्पनीलाई बीबी संकेत दिएको छ, जसले कम्पनीको दायित्व पूर्ति गर्ने क्षमता मध्यमतः कमजोर रहेको देखाउँछ।
आवेदन आस्बा सदस्य बैंक तथा वित्तीय संस्था वा सीडीएससीको अनलाइन प्लेटफर्म मेरोसेयरमार्फत गर्न सकिनेछ। कम्पनीले दोलखा जिल्लाको साँगुखोलाबाट ५ मेगावाट क्षमताको आयोजना निर्माण गरेको छ। आयोजनाको कुल लागत १ अर्ब २० करोड रुपैयाँ रहेको छ भने प्रति मेगावाट लागत २४ करोड १४ लाख रुपैयाँ छ। साधारण लगानी फिर्ता अवधि ९.१९ वर्ष र डिस्काउन्डमा लगानी फिर्ता अवधि १५.३६ वर्ष निर्धारण गरिएको छ।
सम्बन्धित खबर
