२६ चैत, काठमाडौं । इरानले अमेरिकासँग भएको युद्धविरामका तीन सर्तहरूको उल्लंघन भएको आरोप लगाउँदै लेबनानमा जारी आक्रमणको समेत उल्लेख गरेको छ । इरानी संसदका सभामुख मोहम्मद बागर गालिबाफले वार्ताका सुरु हुनमा अगाडि नै १० बुँदे प्रस्तावका तीनवटा सर्त उल्लङ्घन भइसकेको बताएका छन् । उनले भनेका छन्, ‘अमेरिकाका राष्ट्रपतिले इरानसँग १० बुँदे प्रस्तावलाई वार्ताका लागि आधार मानेको बताएका भएपनि, अहिलेसम्म ती तीन सर्तहरू उल्लङ्घन भइसकेका छन्।’
इरानले अमेरिकामा विश्वसनीयताको कमी हुँदा पुराना अभ्यास दोहोरिएको आरोप लगाउँदै सभामुख गालिबाफले भने, ‘अमेरिकाले पटक–पटक आफ्नो प्रतिबद्धता तोड्दै आएको छ। दुर्भाग्यपूर्ण कुरा त के भने उनीहरूले पुरानो शैली नै दोहोर्याइरहेका छन्।’ लेबनानमा युद्धविरामसँग सम्बन्धित पहिलो सर्तको पालना हुन नसकेको बीबीसीले उल्लेख गरेको छ । त्यस्तै, पाकिस्तानका प्रधानमन्त्री शहबाज शरिफले पनि सबै स्थानहरूमा तुरुन्तै युद्धविराम आवश्यक रहेको बताएका थिए ।
इरानको हवाई सीमाभित्र एक ड्रोन घुसपैठ गरेको थियो। बीबीसीका अनुसार उक्त ड्रोन फार्स प्रान्तको लार शहरमा खसाइएको छ र यसलाई इरानको हवाई सीमाको सम्मान नगर्ने उल्लङ्घनको रूपमा लिइएको छ । सभामुख गालिबाफले बताएअनुसार इरानलाई सम्वर्धन (एनरिचमेन्ट) को अधिकारबाट वञ्चित गरिएको छ, जुन प्रस्तावको छैटौं सर्तमा उल्लेख छ । वार्ताको लागि तयार पारिएको प्रस्तावमा उल्लेख भएका सर्तहरू वार्ता अघि नै उल्लङ्घन भएका अवस्थामा, द्विपक्षीय युद्धविराम वा वार्ता गर्नु तर्कसंगत नहुने उनको भनाइ छ । पाकिस्तानका प्रधानमन्त्री शहबाज शरिफले युद्धरत अमेरिका र इरानका प्रतिनिधिहरूलाई वार्ताका लागि आगामी १० अप्रिलमा इस्लामाबादमा बोलाएका छन् ।
