सशस्त्र प्रहरी बल नेपाल नम्बर १ बराह बाहिनीले सुनसरीको बर्जु गाउँपालिका–६ बाट गैँडाको खागसहित चार जनालाई नियन्त्रणमा लिएको छ। पक्राउ परेकाहरूको साथबाट एउटा गैँडाको खाग र दुईवटा मोटरसाइकल बरामद गरिएको सशस्त्र प्रहरी उपरीक्षक श्याम कार्कीले जानकारी दिए। पक्राउ परेकाहरूको नाम गोप्य राखिएको छ र सञ्जाल ठूलो भएका कारण अनुसन्धान जारी छ भने सशस्त्र प्रहरीले जनाएको छ।
४ वैशाख, सुनसरी। सुनसरी बर्जु गाउँपालिका–६ बाट बिहीबार राति गैँडाको खागसहित चार जनालाई नियन्त्रणमा लिइएको छ। गोप्य सूचनाका आधारमा सशस्त्र प्रहरी बल नेपाल नम्बर १ बराह बाहिनीको पकली टोलीले यो कारबाही गरेको सशस्त्र प्रहरी बल ४ नम्बर गण सुनसरीका सशस्त्र प्रहरी उपरीक्षक श्याम कार्कीले बताए।
झापाबाट गैँडाको खाग लिएर आउने सूचना पाएपछि बर्जु–६ ताल नजिकबाट चार जनालाई नियन्त्रणमा लिएको उनले बताए। पक्राउ परेकाहरूको साथबाट एउटा खाग र दुईवटा मोटरसाइकल बरामद गरिएको सशस्त्र प्रहरी उपरीक्षक कार्कीले उल्लेख गरे। पक्राउ परेकाहरूको नाम गोप्य राखिएको र यसको सञ्जाल ठूलो भएकोले अनुसन्धान भइरहेको हुँदा नाम सार्वजनिक नगर्ने निर्णय गरिएको उनले जानकारी दिए।
