७ वैशाख, काठमाडौं । यूएईसँगको टी–२० आई सिरिजअन्तर्गत पहिलो खेलमा नेपाल ६ विकेटले पराजित भएको छ। त्रिविक्रम सिंह क्रियेशन क्रिकेट मैदानमा वर्षाका कारण केही समय खेल रोकिने क्रममा यूएईले डिएल मेथडको आधारमा १० ओभरमा ७८ रनको लक्ष्य पाएको थियो। उक्त लक्ष्य यूएईले ७ बल बाँकी रहँदा ४ विकेट गुमाएर पूरा गर्यो। यूएईका कप्तान मोहम्मद वासिमले सर्वश्रेष्ठ ३३ रन बनाए। अलीशान शराफूले १८ रन योगदान दिए। बलिङतर्फ नेपालका सन्दीप लामिछानेले ३ र कुशल मल्लले १ विकेट लिए।
त्यसअघि नेपालले १८ ओभर ५ बल खेल्दै ८ विकेट गुमाएर १२२ रन बनाएको अवस्थामा वर्षा हुँदा खेल रोकिन पुगेको थियो। नेपालका कप्तान दीपेन्द्रसिंह ऐरी ३२ र सन्दीप लामिछाने २ रनमा अविजित थिए। कुशल भुर्तेलले १६, अर्जुन साउदले १३, सन्दीप जोराले ६, कुशल मल्लले १७, बरिर अहमदले १४, गुल्सन झाले १, नन्दन यादवले १३ र शेर मल्ल शून्य रनमा आउट भए। बलिङमा यूएआईका मुहम्मद जुहेबले ३, जुनैद सिद्दिकीले २, साएद हैदर र मुहम्मद अरफानले एक–एक विकेट लिए। नेपाल र यूएईबीच दोस्रो टी-२० आई खेल मंगलबार हुने छ।
