२० वैशाख, काठमाडौं । देवीनगरस्थित धोबीखोला करिडोरमा अवस्थित ठूलो घर भत्काउने तयारी भइरहेको छ। सरकारले यसलाई अतिक्रमण मान्दै उक्त घर भत्काउने योजना अघि बढाएको हो। हाल सुरक्षाकर्मीहरूले उक्त घरबाट सामग्री सङ्कलन गरिरहेका छन्। यस क्षेत्रमा सशस्त्र प्रहरी, नेपाल प्रहरी र नगर प्रहरीको ठूलो परिचालन गरिएको छ। उक्त घरमा रेष्टुरेन्ट, बार, स्पा लगायतका विभिन्न व्यवसायहरू सञ्चालनमा छन्। केही दिनयता यो घर सामाजिक सञ्जालमा व्यापक रूपमा चर्चामा आएको छ। त्यस्तै, यस क्षेत्रका अन्य सुकुम्वासीका घरहरू भने पहिले नै भत्काइसकिएको खबर छ।
