इरान युद्धको साङ्लोमा फँसेको थियो। त्यसपछिको युद्धविरामले केही शान्ति ल्यायो। तर ती सबै उथलपुथलका बाबजूद पनि इरानको इस्लामिक गणतन्त्रको सत्ता अझै कायम छ। इरानमा जहाँ पनि मानिसहरू गइरहेका छन् वा घरमा टेलिभिजन खोले पनि हत्या भएका नेता र नयाँ नेतृत्वका पोस्टर तथा दृश्यहरू देख्न पाइन्छ। इरानभित्रका व्यक्तिहरूसँगको संवाद अनुसार इरानी सत्ता कमजोर हुने सट्टा थप मजबूत हुँदै गएको छ र बदला लिने मनस्तिथि निकै प्रबल छ।
परिवर्तनप्रतिको आशा र चिन्ताले भरिएका दियाको (नाम परिवर्तन) र दियाको (नाम परिवर्तन) तेहरानमा बसोबास गर्ने युवा जोडी हुन्। उनीहरू शिक्षित मध्यमवर्गीय परिवारका सदस्य हुन् र कट्टरपन्थी धार्मिक शासनको अन्त्य चाहने मानिसमध्ये पर्छन्। उनीहरूको सामाजिक सुरक्षाको कारणले हुन यीभन्दा बढी व्यक्तिगत विवरण उल्लेख गर्न सकिन्न किनभने खुला रुपमा विदेशी सञ्चारमाध्यमसँग खुलस्त कुरा गर्दा इरानी सरकारको निगरानीमा पर्न सक्ने खतरा छ।
इरानमा सहयोग गरिरहेका पत्रकारहरूले एउटा पार्क छेउमा दियाको र सना (नाम परिवर्तन) सँग भेटघाट गरी कुराकानी गरेका थिए। युद्धविरामको समयमा भएको संवादमा दियाको जीवनप्रति आशावादी देखिए। “परिवर्तन अब आउँदैछ,” उनले बताइन। “पहिले नै केही परिवर्तन भइसकेको छ।” तर, उनले यस्तो भनिरहँदा सना मुस्कुराईन्। “परिवर्तन?” उनले प्रश्न गरिन्। “यो त झन् एकदमै रिभोल्यूशनरी गार्ड्सको नियन्त्रणमा छ। देश अझै अस्तव्यस्त छ,” इजरायल र अमेरिकाले आक्रमण गरेपछि सना आफ्ना भावना फेरिएको बताइन्।
“सुरुमा म चाहन्थेँ कि युद्ध नहोस्… तर युद्धको बीचमा जब उनीहरूले मुख्य व्यक्तिहरूलाई लक्षित गर्न थाले, मलाई हरेक मृत्युमा एक प्रकारको सन्तुष्टि मिल्न थाल्यो,” उनले भनिन्। युद्ध बढ्दै गएपछि आयतोल्लाह अली खामेनेई र अन्य वरिष्ठ नेताहरू प्रभावित भएता पनि नयाँ सत्ता वा सम्झौताका लागि अनुकूल परिस्थिति बन्न सकेन भन्ने कुरा सनाले महसुस गरिन्। “उनीहरूका धेरै समर्थकहरू अहिले पनि दृढ छन्। मैले आशा गरेजस्तो केही भएन। सबै कुरा झन् खराब भयो र हामी इस्लामिक गणतंत्रमै छोडियौँ। उनीहरूले जितेको युद्धले मलाई दुःखी बनाएको छ,” उनले आफ्नो अनुभव सुनाइन्।
