चीनको अदालतले एआईका कारण कर्मचारीलाई जागिरबाट निकाल्न नपाइने निर्णय सुनाएको छ। एआई प्रविधिको तीव्र विकाससँगै मानवीय रोजगारीमा खतरा बढिरहेको छ। धेरै मानिसहरूले आफ्नो जागिर गुमाउने जोखिममा छन्। केही कम्पनीहरूले एआई र एआई इन्जिनियर्ड रोबोटलाई काममा लगाएर जनशक्ति कटौती गर्न थालेका छन्। यो प्रविधिको विकासले मानवीय रोजगारीमा आउने संकटलाई कानुनी रूपमा रूपान्तरण गर्दै आएको छ। चिनियाँ अदालतले यस सम्बन्धमा निर्णय गर्दै धेरैलाई राहत दिएको छ।
चीनको अदालतले स्पष्ट पारेको छ कि एआईलाई आधार बनाएर कुनै कर्मचारीलाई जागिरबाट हटाउन नमिल्नेछ। यस फैसलाले प्रविधि कम्पनीहरूको रणनीति र कर्मचारी सुरक्षाको विषयमा नयाँ बहस उठाएको छ। अदालतले हाङझाउमा भएका एक घटनामा झोउ थरका कर्मचारीले एआई प्रयोगका कारण आफ्नो जिम्मेवारी घट्न थालेपछि कम्पनीविरुद्ध मुद्दा दायर गरेका थिए। कम्पनीले उनलाई नयाँ पदमा सार्ने प्रस्ताव गरेको थियो जहाँ तलब र सुविधाहरू कम गरिएका थिए। अदालतले यो कदम उचित नभएको ठहर गर्दै एआईका कारण कर्मचारी हटाउनु गलत भएको निर्णय सुनाएको छ।
अदालतले झोउलाई २ लाख ६० हजार युआन क्षतिपूर्ति दिने आदेश समेत दिएको छ। एआईको नाममा जागिर कटौती हुन नदिन अदालतले स्पष्ट सन्देश दिएको छ। कम्पनीले प्रविधि परिवर्तन गर्ने अधिकार भए पनि कर्मचारीको अधिकार समाप्त गर्न सक्दैन। एआई प्रयोग गर्ने कम्पनीले श्रम कानुनको पूर्ण पालना गर्नुपर्ने अदालतको निर्णय छ। यसर्थ, कुनै पनि कम्पनीले एआई आएको कारणले कुनै कर्मचारीलाई जागिरबाट हटाउन वैध कारण र कानुनी प्रक्रिया बिना सक्दैन।
चिनियाँ अदालतको यो निर्णय पहिलो होइन, सन् २०२४ मा ग्वान्झाउको अदालतले पनि यस्तै फैसला गर्दै प्रविधि वृद्धिलाई आधार बनाएर जागिर कटौती गर्न नपाइने बताएको थियो। विश्वव्यापी बहसमा चिनियाँ अदालतको यो निर्णय महत्वपूर्ण भूमिका खेलेको छ। माइक्रोसफ्ट, गुगल, अमेजनजस्ता ठूला कम्पनीहरूले एआई प्रविधिमा ठूलो प्रगति गरिरहेका छन्। यसले देखाउँछ कि तीव्र प्रविधि विकासले मानवीय अधिकारलाई बेवास्ता गर्न सक्दैन।
