वीरगञ्जका चार वटा क्यासिनोमा जुवा खेलिरहेको अवस्थामा ५ जना भारतीय र १ जना नेपाली गरी जम्मा ६ जना पक्राउ परेका छन्। पक्राउ पर्नेहरूमा बिहारका २६ वर्षीय गणेशकुमार, ३८ वर्षीय संदीपकुमार, ३१ वर्षीय सुरजप्रसाद, ४३ वर्षीय अल्लाह यादव, ३६ वर्षीय ओमप्रकाश यादव र वीरगञ्जका ३७ वर्षीय जमुदिन मियाँ अन्सारी रहेका छन्।
पक्राउ उनीहरूलाई किङ क्यासिनो, फर्च्युन सिटी गेमिङ क्लब र क्यासिनो महाजोङमा विशेष सूचनाको आधारमा गरिएको हो। जिल्ला प्रहरी कार्यालय पर्साका अनुसार २७ वैशाखमा वीरगञ्जका विभिन्न चार वटा क्यासिनोमा प्रवेश गरी जुवा खेलिरहेको अवस्थामा उनीहरूलाई पक्राउ गरिएको हो।
प्रवक्ता तथा सूचना अधिकारी प्रहरी नायब उपरीक्षक हरिबहादुर बस्नेतले जानकारी दिँदै भने, “विशेष सूचनाको आधारमा जुवा खेलिरहेको अवस्थामा उनीहरूलाई पक्राउ गरिएको हो।”
