सेती प्रादेशिक अस्पतालको पार्किङ क्षेत्रमा राखिएको स्कारपियोमा अक्सिजन सिलिन्डर पड्किएपछि आगलागी भएको छ। धनगढी उपमहानगरपालिका–५ का ४० वर्षीय मुकुन्द जोशीले चलाएको गाडी पूर्णरूपमा जलेर नष्ट भएको जिल्ला प्रहरी कार्यालयले जानकारी दिएको छ। आगलागीमा मानवीय क्षति हुन नसक्नुका साथै दमकल, नेपाल प्रहरी, सशस्त्र प्रहरी र नगर प्रहरीको सहकार्यमा आगो नियन्त्रणमा लिइएको छ। २ जेठ, धनगढी।
शनिबार साँझ साढे ५ बजेतिर धनगढी उपमहानगरपालिका–५ का ४० वर्षे मुकुन्द जोशीले चलाएर ल्याएको बा.प्र.०१–०२७ च ००७४ नंको स्कारपियो अस्पतालको पार्किङमा राखिएको अवस्थामा आगलागी भएको जिल्ला प्रहरी कार्यालयले जनाएको छ। जिल्ला प्रहरी कार्यालयका प्रहरी निरीक्षक लोक राज जोशीले आगलागीबाट स्कारपियो जलेको पुष्टि गरेका छन्। उनको भनाइअनुसार, बिरामीको लागि गाडीमा जोडिएको अक्सिजन सिलिन्डर पड्किँदा आगो लागेको हो। आगलागीबाट स्कारपियो पूर्ण रुपमा जलेर नष्ट भएको छ। धनगढी उपमहानगरपालिकाको दमकल टोलीको सहयोगमा स्थानीय प्रहरी, नेपाल प्रहरी, सशस्त्र प्रहरी र नगर प्रहरीको समन्वयमा आगो नियन्त्रणमा लिइएको थियो। घटनामा कुनै मानवीय क्षति नभएको प्रहरीले जनाएको छ।
