काठमाडौंको चन्द्रागिरी नगरपालिका–३, थानकोट खरिबोटमा २५ वर्षीय जाकिर मन्सुरीलाई सामान्य विवादपछि हत्या गरिएको छ। नुवाकोटको म्यागङ गाउँपालिका–४, किम्ताङमा दुई दाजुभाइको सामान्य विवादमा गोली प्रहार गरी हत्या भएको छ। ललितपुरको पाटनमा १५ चैतमा सिर्जन नेम्वाङ र सुमित नेम्वाङ दाजुभाइको सामान्य विवादमा हत्या भएको छ। ४ जेठ, काठमाडौं। काठमाडौंको चन्द्रागिरी नगरपालिका–३ थानकोट खरिबोट क्षेत्रमा २ जेठको राति महोत्तरी घर भएका २५ वर्षीया जाकिर मन्सुरीको हत्या भयो। महोत्तरीकै ३८ वर्षीय समी अहमदले तरकारी काट्ने चक्कु प्रहार गरी मन्सुरीको हत्या गरेको प्रहरीले जनाएको छ। चक्कु प्रहारले घाइते भएकाले उनलाई सतुंगलस्थित मेडपोइन्ट अस्पतालमा लगिएको थियो, तर चिकित्सकले मृत घोषणा गरेका थिए। जिल्ला प्रहरी परिसर काठमाडौंका एसपी पवनकुमार भट्टराईका अनुसार यो हत्या सामान्य घरायसी विवादकै कारण भएको थियो। प्रहरीका अनुसार समी र जाकिर भिनाजु र सालो (नातामा सम्बन्धित) व्यक्ति हुन्। दिदी भिनाजु सम्बन्धमा विवाद भएपछि भिनाजुले सालोको हत्या गरेको प्रष्ट भएको छ। प्रहरी अधिकारीहरूले भनेको छ कि सामान्य विवादकै कारण सालोको ज्यान गएको हो। सामान्य विवादकै कारण ज्यान गुमाउने जाकिर पहिलो व्यक्ति होइनन्। पछिल्लो एक महिनामा यस्ता घटनामा वृद्धि देखिएको छ। ००० नुवाकोटको म्यागङ गाउँपालिका–४ किम्ताङमा ३० वैशाखमा दुई दाजुभाइको शव फेला पर्यो। ४३ वर्षीय सोमनाथ तामाङ र उनका ३६ वर्षीय भाइ सूर्यमान तामाङको शव जंगलमा भेटिएको थियो। शव किम्ताङ खोलामा ढुङ्गाले थिचेर लुकाइएको अवस्थामा फेला परेको थियो। नुवाकोटका एसपी विपिन रेग्मीका अनुसार बिहान १० बजे तत्काल खबर पाएपछि खोजतलास गरिएको थियो। घटना सीमा क्षेत्रमा भएको छ। प्रहरीलाई गोली प्रहार गरेर दाजुभाइको हत्या भएको थाहा लागेको छ। परिवारका अनुसार दुवै भाइ मंगलबार बिहान कुलो बनाउन घरबाट निस्केका थिए र त्यसपछि सम्पर्क विच्छेद भएको थियो। घटना सडकबाट करिब ५ घण्टाको पैदल दूरीमा र धादिङ नजिक भएको छ। यो हत्या पनि सामान्य विवादकै कारण भएको देखिन्छ। अनुसन्धानका क्रममा ६ जनालाई पक्राउ गरी ४ जनालाई रिहा गरिएको छ भने २ जनामाथि मात्र अनुसन्धान जारी छ। जसमा धनबहादुर तामाङ र सोमबहादुर तामाङ छन्। धादिङबाट पक्राउ परेका यी दुईमध्ये प्रहरीले ठूलो विवाद नरहेको जानकारी दिएको छ। मृतक दाजुभाइ गाउँमा पेटी ठेक्काको रुपमा काम गर्थे। हत्या आरोपमा पक्राउ परेका धनबहादुर र सोमबहादुर मजदुर हुन्। ठेक्का अरूले पारेको बताउँदै दाजुभाइले काम नदिएको भनी विवाद बढेपछि हत्या भएको प्रहरी अधिकारीले बताएका छन्। विवादपछि दाजुभाइ मोटरसाइकल चढेर खोलातिर गए। बाटोमा धन र सोम बन्दुकसहित बसेका थिए। बाटो थुकेर भरुवा बन्दुकबाट दाजुभाइलाई हत्या गरिएको प्रहरीको भनाइ छ। ००० नुवाकोटमा सामान्य विवादमा दाजुभाइको हत्या भएको झैं ललितपुरको पाटनमा पनि सामान्य विवादकै कारण दाजुभाइको हत्या भएको थियो। १५ चैतमा पाटनको कृष्ण मन्दिर परिसरमा सिर्जन नेम्वाङ र सुमित नेम्वाङ दाजुभाइलाई हत्या गरिएको थियो। नेम्वाङ दाजुभाइले फोन गर्दा नम्बर गलत परेर सञ्जीव नेपाली नाम गरेका व्यक्तिको मोबाइलमा फोन लागेको थियो। प्रहरीका अनुसार उनीहरू एकअर्कालाई चिन्दैनन्। नचिनेको नम्बरबाट फोन आएपछि उनीहरूबीच कुरा विवाद भयो। ललितपुरका एसएसपी होविंद्र बोगटीका अनुसार त्यसपछि पाटनमा भेट्न बोलाए र उनीहरूले कृष्ण मन्दिर परिसरमा भेट भयो। त्यहि क्रममा दुई पक्षबीच हाताहात हुँदा सञ्जीवले चक्कु प्रहार गरी दाजुभाइको हत्या गरेका थिए। दाजुभाइ हत्या प्रकरणमा प्रहरीले सञ्जिव नेपालीसँगै नवलपरासीका २१ वर्षीय गगन सुनार र झापाका २७ वर्षीय विकास लिम्बुविरुद्ध मुद्दा चलाएको छ। नेपालीलाई जन्मकैद सजाय माग गरिएको छ भने अन्य दुई जनालाई मतियारको रूपमा मुद्दा दायर गरिएको छ। तीनै जना पुर्पक्षका लागि नख्खु कारागार पठाइएको छ। दाजुभाइको हत्या गलत नम्बरमा फोन जानुले शुरू भएको हुँदा यो विवाद काठमाडौं उपत्यकाभित्रै साँझमै ज्यान गुमाउन पुगेको हो। ००० २३ वैशाख, दिउँसो करिब साढे २ बजेतिर कीर्तिपुर नगरपालिका–१०, पोडेटोलमा गुल्मीको धुर्कोट नगरपालिका–७ घर भई कीर्तिपुर ढलपामा बस्ने २२ वर्षीय विपिन घिमिरेलाई हत्या गरिएको थियो। धारिलो हातियार प्रहारपछि घिमिरे भुईँमा लड्नुभयो र कीर्तिपुर अस्पतालमा पुर्याउँदा चिकित्सकले मृत घोषणा गरेका थिए। हत्या गर्ने र मारिने दुवै साथीथिए। विवाद बढेपछि धारिलो हातियार प्रहार गरियो। घटनास्थलको सीसीटीभी फुटेजमा ६ जनाको समूह देखिन्छ, जसमा विपिनको हत्या भएको छ। प्रहरीका अनुसार हत्या हुनुको मुख्य कारण एक खिल्ली गाँजा थियो। गाँजाको विषयमा उनीहरूबीच विवाद भयो र त्यसपछि समूहले दिउँसै हथियार प्रहार गरेर विपिनको हत्या गरे। हत्या गर्ने मुख्य अभियुक्त सुजन शाहीलाई काठमाडौं उपत्यका अपराध अनुसन्धान कार्यालयको टोलीले कीर्तिपुरको चोभारमा गोली चलाएर पक्राउ गरेको थियो। अहिलेसम्म चार जना पक्राउ परेका छन् भने एक जना फरार छ। काठमाडौंमै दिउँसो हातियार प्रहार गरी युवकको हत्या गरिएको यो घटनामा कुनै ठूलो विवाद नभएको प्रहरीले बताएको छ। लागूऔषध विवादकै कारण हत्या भएको हो। ००० पोखरामा गत २५ चैत साँझ सिर्जना पौडेल केसीको विभत्स हत्या भयो। पृथ्वीचोकमा जुत्तापसले सञ्चालन गर्दै आएका पौडेलमाथि खुकुरी प्रहार गरियो र उनी रन्थनिँदै भुईँमा लडिन्, जहाँ उनको मृत्य भयो। जेष्ठी श्रीमतीले विष सेवन गरेर आत्महत्या गरेपछि कृष्ण केसीले चार वर्षअघि सिर्जनासँग विवाह गरेका थिए। दुई वर्षअघि कृष्णको पनि मृत्यु भएको थियो र उनीहरुको अहिले ३ वर्षकी छोरी छ। विवाह र श्रीमानको मृत्यु पछि बढेको पारिवारिक कलह र अंश विवादले सिर्जनाको हत्या गराएको देखिएको छ। यो घटनामा भान्जा नै संलग्न रहेको प्रहरीले जनाएको छ। ००० यी घटनाहरूले देखाउँछन् कि मानिसहरू सामान्य विवादमा पनि आक्रामक बन्दै जाँदा हत्या जस्ता जघन्य अपराधमा पुग्न थालेका छन्। प्रहरी अधिकारीहरूले विभिन्न तनाव र डिप्रेसनले मान्छेलाई आक्रामक बनाउने बताउँछन्। विशेष गरी आवेगमा विवेक गुम्दा यस्ता अपराध हुने मनोचिकित्सकहरूले बताएका छन्। अचानक उत्पन्न हुने तीव्र आवेग नियन्त्रण नभए मानिस क्रुर बन्ने र सामान्य विवाद पनि हत्यासम्म बढ्ने अवस्थाहरूले पुष्टि गर्दछ। मानिसहरू झगडा बढेको महसुस गरेपछि आफैं समाधान खोज्ने प्रयास गर्ने भए पनि कहिलेकाहीं व्यक्तित्व समस्याका कारण अत्याधिक आवेगले विवेक गुमाएर ठूलो दुर्घटना निम्त्याउने तर्क मनोचिकित्सकहरूले राखेका छन्। प्रहरीले पनि वरिपरि समाज, वातावरण, संगत र डिजिटल दुनियाँले मान्छेलाई आक्रामक बनाएको मनसाय व्यक्त गरेको छ।
