नेपाली कांग्रेसले देशभरका ६ हजार ७४३ वडा समितिलाई क्रियाशील सदस्यता अद्यावधिक गर्न जेठ २१ भित्र कार्य सम्पन्न गर्न पत्र पठाएको छ। कार्यवाहक मुख्यसचिव कृष्णप्रसादा दुलालले वडा सभापतिहरूलाई नेपाली कांग्रेसको एप डाउनलोड गरी सदस्यता अद्यावधिक गर्न निर्देशन दिएका छन्। असहयोग गरेमा विधानअनुसार वडा सभापतिको वैकल्पिक व्यवस्था गरिने र विवरण केन्द्रलाई उपलब्ध गराउनुपर्ने चेतावनी जारी गरिएको छ।
६ जेठ, काठमाडौं — नेपाली कांग्रेसले क्रियाशील सदस्यता अद्यावधिक गर्नका लागि वडा कार्यसमितिलाई जिम्मेवारी दिएको छ। पार्टीका कार्यवाहक मुख्यसचिव कृष्णप्रसादा दुलालले देशभरका ६ हजार ७४३ वटै वडा समितिलाई पत्र पठाएर जेठ २१ भित्रै क्रियाशील सदस्यता अद्यावधिक कार्य सम्पन्न गर्न निर्देशन दिएका छन्। ‘वडा सभापतिहरूले आफ्नो मोबाइलमा एप स्टोर र गुगल प्ले स्टोरबाट नेपाली कांग्रेसको एप डाउनलोड गरी मोबाइलमा लगइन गरी तोकिएको समय जेठ २१ भित्रै क्रियाशील सदस्यता अद्यावधिकको कार्य गर्न निर्देशानुसार अनुरोध गरिन्छ,’ पत्रमा भनिएको छ। त्यस्तै, क्रियाशील सदस्यता अद्यावधिकमा असहयोग गरेमा विधानअनुसार वडा सभापतिको वैकल्पिक व्यवस्था गरिने चेतावनी पनि दिइएको छ। ‘असहयोग गर्ने वडा सभापतिको विवरण पालिका कार्यसमितिले केन्द्रलाई उपलब्ध गराउनुपर्नेछ’ पत्रमा उल्लेख छ।
सम्बन्धित खबर
