नेपाली कांग्रेसका सांसद सुनिलबहादुर थापाले सरकारले दीर्घकालीन योजना नबनाई सुकुमवासी बस्तीमा डोजर चलाएको आरोप लगाएका छन्। उहाँले सरकारमाथि मानवअधिकार उल्लङ्घन गर्दै आफू लोकप्रिय हुन डोजर चलाएको र देशभर डोजर आतंक व्याप्त भएको बताउनुभयो। थापाले विस्थापित परिवारलाई प्रदान गरिएको १५ हजार र ३० हजार रुपैयाँको निर्णयमाथि प्रश्न उठाउँदै होल्डिङ सेन्टरमा मानसिक परामर्श आवश्यक रहेको उल्लेख गर्नुभयो। ७ जेठ, काठमाडौं।
सांसद थापाले भन्नुभयो, “सरकारले मानवअधिकार उल्लङ्घन गर्दै आफू लोकप्रिय हुन डोजर चलाएको छ। हाल काठमाडौं मात्र होइन, देशभर नै डोजर आतंक चलेको छ।” उहाँले हालै विस्थापित परिवारलाई १५ हजार र ३० हजार रुपैयाँ दिने निर्णयको बारेमा प्रश्न उठाउँदै भन्नुभयो, “यो केको लागि हो?” बिहीबार सार्वजनिक नीति तथा प्रत्यायोजित विधायन समिति र संघीयता सबलीकरण तथा राष्ट्रिय सरोकार समितिको बैठकमा आफ्नो धारणा राख्दै उहाँले देशभर डोजर आतंक फैलिएको उल्लेख गर्नुभयो।
साथै, विस्थापित परिवारलाई १५ हजार र ३० हजार रुपैयाँ दिने सरकारी निर्णयमाथि पनि प्रश्न उठाउनुभयो। उहाँको भनाइमा होल्डिङ सेन्टरमा रहेका नागरिकलाई मानसिक परामर्श आवश्यक छ। उहाँले थप्नुभयो, “सरकार आफैं भनिरहेको छ, हामीसँग पैसा छैन। पैसा छैन भन्छ तर पुनः पैसा बाँड्ने कार्य भइरहेको छ। यो सुकुमवासीलाई केही समय खुशी पार्नका लागि मात्र दिएको हो कि? आजसम्म कति मन्त्रीहरू होल्डिङ सेन्टर पुगेका छन्?”
