कक्रोच जनता पार्टीका संस्थापक अभिजीत दीपकेले बताएका छन् कि सरकारले सीजेपीको वेबसाइट बन्द गरिसकेको छ। उनले भने, “हाम्रो वेबसाइटमा १० लाख कक्रोच सदस्यहरू थिए र ६ लाखले धर्मेन्द्र प्रधानको राजीनामा माग गर्दै हस्ताक्षर गरेका थिए।” अभिजीतले सरकारको कदमलाई तानाशाहीको संकेत भएको टिप्पणी गरेका छन् र नयाँ घर निर्माण भइरहेको बताएका छन्। ९ जेठ, काठमाडौं।
अभिजीत दीपकेले शनिबार आफ्नो एक्स ह्यान्डलमा उल्लेख गरे, “सरकारले हाम्रो लोकप्रिय वेबसाइट बन्द गरिदिएको छ।” उनले जोड दिए, “हाम्रो वेबसाइटमा १० लाख कक्रोच सदस्यहरू रहेका थिए। ६ लाख कक्रोचले धर्मेन्द्र प्रधानको राजीनामा माग गर्दै निवेदनमा हस्ताक्षर गरेका थिए।” उनले थपे, “सरकारलाई कक्रोचबाट यति धेरै किन डर लाग्छ? तर यस तानाशाही प्रवृतिले भारतका युवाहरूको आँखा खोल्दैछ। हाम्रो अपराध यत्ति हो कि हामी हाम्रो लागि राम्रो भविष्यको माग गर्दैछौं। तर हामीलाई सजिलै सिधा पार्न सकिँदैन। हामी अहिले नयाँ घर निर्माण गर्दैछौं। कक्रोच कहिल्यै मर्दैनन्।” यसअघि अभिजीत दीपकेले सीजेपीको इन्स्टाग्राम पेज ह्याक भएको र एक्स अकाउन्ट पनि ब्लक गरिएको जानकारी दिएका थिए।
