बागमती प्रदेशसभाको वार्षिक अधिवेशन आजबाट सुरु हुँदै

११ जेठ, बागमती । बागमती प्रदेशसभाको वार्षिक अधिवेशन आजदेखि शुरु हुँदैछ । यस अधिवेशनमा आगामी आर्थिक वर्ष २०८३/८४ को नीति तथा कार्यक्रम र बजेटमाथि केन्द्रित छलफल हुनेछ । आज दिउँसो १ बजे बस्ने प्रदेशसभा बैठकमा मुख्यमन्त्रीसहित प्रदेशमा प्रतिनिधित्व गर्ने सबै दलका संसदीय दलका नेताहरूले आफ्ना धारणा व्यक्त गर्ने व्यवस्था गरिएको छ, जसको जानकारी प्रदेशसभा सचिवालयका सचिव रामकुमार पौडेलले दिएका छन् । बागमती प्रदेश सरकारको सिफारिसअनुसार प्रदेश प्रमुख दीपकप्रसाद देवकोटाले संविधानको धारा १८३ को उपधारा १ अनुसार प्रदेशसभाको वार्षिक अधिवेशन आह्वान गरेका थिए ।