चलचित्र विकास बोर्डको बक्सअफिस विवरण अनुसार चलचित्र ‘लालीबजार’ले ५ करोड ७६ लाख ३९ हजार ४७१ रुपैयाँ ग्रस कमाएको छ। अभिनेता प्रकाश सपुतको चलचित्र ‘परालको आगो’ले बक्सअफिसमा ४ करोड २७ लाख ५३ हजार ६४८ रुपैयाँ ग्रस कमाएको छ। बोर्डका अनुसार चलचित्र ‘लाइफ ड्यामेज’ले २८ लाख ४६ हजार १७० र ‘एक मुठ्ठी बादल’ले ५ लाख २१ हजार ८२५ रुपैयाँ कमाएका छन्। काठमाडौं। चलचित्र विकास बोर्डले पछिल्लो शनिबारसम्मको बक्सअफिस विवरण सार्वजनिक गरेको छ।
जसअनुसार, ‘लालीबजार’ले ५ करोड ७६ लाख ३९ हजार ४७१ रुपैयाँ ग्रस कमाएका छन्। सोही अवधिसम्म यो फिल्मलाई १ लाख ९६ हजार ४०६ दर्शकले हेरेका छन्। ‘मालती मंगले’ले ५१ लाख ६३ हजार ५९३ रुपैयाँ ग्रस कमाएको छ। यो फिल्मलाई १६ हजार १३७ जनाले हेरेका छन्। आँचल शर्माको ‘एक मुठ्ठी बादल’ले ५ लाख २१ हजार ८२५ रुपैयाँ ग्रस कमाएको छ। सोही अवधिसम्म यो फिल्मलाई १५०१ जना दर्शकले हेरेका छन्। ‘गुरुआमा’ले २९ लाख ४२ हजार ५७६ रुपैयाँ ग्रस कमाएको छ। सोही अवधिसम्म यो फिल्मलाई ९ हजार ३२७ जना दर्शकले हेरेका छन्। सुरक्षा पन्तको ‘लाइफ ड्यामेज’ले २८ लाख ४६ हजार १७० रुपैयाँ ग्रस कमाएको छ। सोही अवधिसम्म यो फिल्मलाई ९ हजार २४१ जनाले हेरेका छन्। प्रकाश सपुतको ‘परालको आगो’ले ४ करोड २७ लाख ५३ हजार ६४८ रुपैयाँ कमाएको छ। सोही अवधिसम्म यो फिल्मलाई १ लाख ५३ हजार ९२५ जनाले हेरेका छन्।
