१२ जेठ, काठमाडौं। प्रतिनिधिसभाको बैठकमा विपक्षीहरूले गरेको विरोधलाई सत्ता पक्षका रास्वपाका सांसद जगदीश खरेलले ‘तमासा’ भन्दै आएको प्रतिक्रिया दिएका छन्। संसदमा प्रधानमन्त्रीको जवाफदेहिता र उपस्थितिको माग गर्दै निरन्तर विरोध गरिरहेका विपक्षी दलहरूलाई उनले आरोप लगाएपछि बैठक केहि समयका लागि स्थगित भएको छ। विरोधका बीच पनि संसदको कारबाही अघि बढिरहेको थियो।
कार्यसूची अनुसार पर्यटन विधेयकमाथिको सैद्धान्तिक छलफलमा भाग लिन रोस्टममा उपस्थित सांसद खरेलले सुरुमा विपक्षीहरूलाई आरोप लगाउन थालेपछि फ्लोरमा उनीविरुद्ध विरोध गरिरहेका सांसदहरू झन आक्रोशित भएका थिए। कांग्रेस सांसद नरेन्द्रकुमार केरूङले खरेलले गरेका अभिव्यक्तिमाथि प्रतिक्रिया जनाउँदै रोस्टर तर्फ अघि बढ्न खोजे। अहिले कांग्रेस प्रमुख सचेत वासना थापाले उनलाई थुम्थुम्याएर पछाडि हटाएकी थिइन्। यसअघि सभामुखले संसदमा अर्यादित शब्द प्रयोग गर्न नहुने भन्दै पटक–पटक रुलिङ दिएका थिए।
रास्वपा संसदीय दलका उपनेता गणेश पराजुलीदेखि एमाले संसदीय दलका नेता रामबहादुर थापासम्मको अभिव्यक्तिहरू संसदीय रेकर्डबाट हटाइइसकेको छ। खरेलले भने, ‘म आज गहिरोसँग महसूस गरें, आठवटा अध्यादेश सरकारले किन ल्याउनुपर्यो भन्ने कुरा बुझे’ उनले थपे, ‘संसद यसरी नै सञ्चालन हुँदै विगत वर्षदेखि हामीले २०७२ सालमा संविधान निर्माण भएको समयदेखि बनाउनु पर्ने कानून निर्माण गर्न नसकेको यो तमासाले स्पष्ट देखाएको छ।’ उनले विपक्षीहरूमाथि चोर औँला देखाउँदै विरोधलाई तमासा भने।
उनले थपे, ‘संसदीय तमासा जुन हामी देखाइरहेका छौं, सँधै सकारात्मक हुँदैन।’ जनताका कानुन बनाउने सन्दर्भमा विपक्षी दलका सांसदहरू पनि जिम्मेवार हुनुपर्ने उनले जोड दिए। ‘प्रधानमन्त्री उपस्थित हुने या नहुने कुराले कानुन बनाउने प्रक्रियामा अवरोध पुर्याउन सक्छ?’ खरेलले प्रश्न गरे। कलाकार रूपमा अभिव्यक्तिपछि विपक्षी सांसदहरू थप उग्र बने। त्यसपछि सभामुख अर्यालले प्रतिनिधिसभाको बैठक १५ मिनेटका लागि स्थगित घोषणा गरे।
